Nuummi Tapertaralugu Piniartut Aalisartullu Peqatigiiffiat pilersinneqaqqittoq
Nuummi tapertaralugu piniartut aalisartullu peqatigiiffiat piffissami sivisuumi uninngatinneqareerluni aallartinneqarpoq.
Nuummi Tapertaralugu Piniartut Aalisartullu Peqatigiiffiat, NTPAP, marlunngormat februaarip aqqaneq-aappaanni ataatsimiinnermi pilersinneqaqqippoq. Peqatigiiffik maanna 35-inik ilaasortaqalereerpoq, ilaasortanngorumallutillu nalunaartut suli amerliartortut, peqatigiiffik tusagassiutinut nalunaaruteqarluni allappoq.
Peqatigiiffimmi siunertat marluk sulissutigineqassapput:
- Tapertaralugu piniartartut aalisartartullu piniagassatigut soqutigisaat tapersersussallugit.
- Piniagassat suugaluartulluunniit ikiliartuutaanngitsumik peqqissaarullugit piniarneqartarnissaannut suleqataanissaq, tassunga ilanngullugu pinngortitap paarilluarneqarnissaanut mingutsinneqannginnissaanullu suleqataassalluni.
Nuummi tapertaralugu piniartut aalisartullu peqatigiiffiat ilaasortaminik martsip naalernerani naapisitsissaaq, taassumalu tungaanut suliassat allat piareersarneqassallutik.
Siulersuisunngortut ukuupput:
- Siulittaasoq: Panigpak Daorana
- Siulittaasup tullia: Peter Davidsen
- Aningaaserisoq: Jakob Mølgaard
- Allatsi: Johan Barlaj
- Ilaasortat: Peter Berthels Pedersen, Lars Peter Mørch og Christian P. Jeremiassen
- Sinniisoq siulleq: Berthel Brandt
- Sinniisup aappaa: Lazarus Mikaelsen
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...