Innuttaasut
Nuummi takorluukkat kamaatigineqartut
Nuummi innuttaasut amerleriapiloortinneqarnissaat pisariaqanngilaq. Borgmesterit Siumukkormiut pilersaarutaat killormut sammisuuvoq
Nuummi innuttaasut tuusintilikkaanik amerlinissaannik pilersaarut Nunatsinni kommunit sinnerini pingasuusuni borgmesterinit kamaatigineqaqaaq.
Nuummi takorloorneqarunartoq pinngitsoortinniartariaqarparput, Kalaallit Nunaat tamakkerluni Nuummi katersuutsinneqassanngilaq, Qeqqata Kommuniani borgmesteri Hermann Berthelsen aalajangersimarpalluni oqarpoq.
Oqimaaqatigiissaarinissamik kissaateqartoq
Illoqarfiit pingaarnersaanni periaaserineqartoq, kommunit sinnerisa ukiorpassuarni ilimagisartagaannik erseqqarinnerulersitsivoq: Tassa ineriartortitsineq Nuummi taamaallaat ingerlanniarneqartoq.
Atuaruk: Innuttaasut affaat Nuummi najugaqassapput
- Ineriartortitsinermi innuttaasullu nutserarneranni Nuummi katersuutsitsisoqassappat, nuna marlunnut avinneqassaaq. Taamaalillunimi suliffissat nutaat aamma tassani pilersinneqartussaassapput. Uagulli naligiimmik siunissaqarnissarput kissaatigaarput. Kommuneqarfik Sermersuup killeqarfiata iluani aamma taama inissisimasoqassajunnarsivoq. Tasiilaq Paamiullu aamma ineriartortinneqartussaapput, Hermann Berthelsen oqarpoq.
- Illoqarfiilli ataasiakkaat soqutigisaminnik ingerlatsiniarsarimmata tamanna isumaliortaatsimut naleqquttuunngila. Illimmi aamma imminuinnaq eqqarsaatigalutit kommunerisat – aamma Sisimiut – kisiisa eqqarsaatigisarpatit?
- Naamik, imminuinnaruna eqqarsaatiginaveersaartugut. Nammineq soqutigisat kisiisa isiginiassagaanni, tamanna ungasinnerusoq isigalugu tamanut ajoqutaassaaq.
Tamanna pillugu AG allaaserisaqarpoq: