Skip to main content

Nuummi sungiusarluni katersuunneq

Angutit assammik arsartartut nunanut allanut unammisartut Nunatsinni najugaqartut, marlullu Danmarkimeersuut katersuutissapput

Nunanut allanut unammisartut ulluinnarni Danmarkimi unammisartuusut unammisartunik Nunatsinneersunik ilallugit, sapaatip-akunneri sisamat matuma siorna Islandimi sungiusarluni katersuunnerup kingorna, maanna unammisartut Nunatsinniittut Nuummi katersuunnermi peqataassapput. 

Angutimmarik Kreutzmann aamma Milan Olsen ulluinnarni Danmarkimi unammisartut katersuunnermi peqataassapput. Aqqalu Ingemann Randers HH-mi unammisartoq peqataasussaagaluarluni pisinnaanani nalunaarpoq.

Unammisartut
Unammisartut 21-t aamma aqutsisut pingasut Nuummi ulluni pingasuni katersuutissapput. Miki Heilmann ajoqusersimasoq sungiusaqataanissaa suli qularnarpoq. 

  • Isak Olsen GSS
  • Taatsiaq Villadsen GSS
  • Inuk Højgaard GSS
  • Miki Duko Sørensen GSS
  • Siverth Frederiksen GSS
  • Lars Ole Lyberth GSS
  • Aqqaluk Lings GSS
  • Miki Heilmann GSS
  • Nuka Heilmann GSS
  • Danny Brandt GSS
  • Eqalunnguaq Kristiansen GSS
  • Gustav O. Egede NÛK
  • Nuunu Lars Olsen N48
  • Inuk Olsen GSS
  • Mikkel Ostermann GSS
  • Inuujuk Ostermann Søholm Norsaq HC
  • Karl Brandt Norsaq HC
  • Ulloriannguaq Nielsen GSS
  • Lars Møller N48
  • Milan Olsen GOG
  • Angutimmarik Kreutzmann Randers HH
  • Niels Møller sungiusaasoq
  • Rasmus Larsen pisortaq
  • Berit Duus timimik pillorissaasoq

Nunanut allanut unammisartut sungiusaasuata Niels Møllerip sungiusaqatigiinneq nalinginnaasuunissaa neriuutigaa, unammisartut tamarmik tikissasut, Islandimitut pisoqarani, tassami silap ajornera pissutigalugu unammisartut Nunatsinnit Reykjavikimut unamminissap aappaa sioqqutilaarlugu aatsaat tikipput.

Takutitsivik
Unammisartut ataasiakkaat katersuunnermi takutitsinissaminnut periarfissaqarluartut, sungiusaasup Niels Møllerip Sermitsiaq.AG-mik oqaloqateqarnermini isertuutinngilaa. 

- Unammisartut soorunani nalilersussavagut, ataasiakkaallu qanoq inissisimanersut takullugit. Nunatsinni pissartanngorniuttoqangajalerpoq, tamatumalu kingorna nunanut allanut unammiartussat toqqarneqassapput.

Angutit nunanut allanut unammisartut juunimi Nuummi danskit unammisartuinut U-21-nut unammissapput, taakku Kalaallit Nunaannut unamminertik juulimi Algerietimi nunarsuarmi pissartanngorniunnissamut piareersaatitut atussavaat. Island aamma Savalimmiut tassunga anngunnikkuupput.

Ajoqusernaveersaarluni sungiusarnerit
Nuummi sungiusarnermi pillorissaasup Berit Duusip tuikkut ajoqusernaveersaarluni sungiusariaaseq saqqummiutissavaa. Unammisartut pitsaanerusumik sungiusarneq ilinniassavaat, tuimikkut ajoqusernissartik pinngitsoorniarlugu.

Nukersorpallaarluni ajoqusernerit pinerusarput. Pikkorissarnermi sungiusaasut aqutsisullu qaaqquneqarput, sungiusariaaseq nuna tamakkerlugu Assammik Arsartartut Kattuffiani siammarterneqarnissaa siunertaammat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER