Skip to main content

Nuummi suliffeqarfimmut nersornaat

Aviisip ullormut saqqummersartup Børsenip Mentorix ukioq manna suliffeqarfiit alliartortut ilaattut 2015-mi nersornaaserneqarpoq, nersornaat 'gazelle virksomhedimik' taaguutilik

Uani qaammammi suliffeqarfik Mentorix, ilaatigut Nuummi immikkoortortaqartoq, aviisimit ullormut saqqummersartumit Børsenimit suliffeqarfik alliartortutut nersornaaserneqarpoq.

Mentoriximut nersornaasigaaneq annertuvoq. Toqqarneqarnerlu suliffeqarfiit alliartortut 1995-mili aviisimit ullormut saqqummersartumit toqqarneqartut akornanniilernermik kinguneqarpoq.

Alliartorneq annertooq
2015-mi Gazelletut toqqarneqarneq 333 procentimik alleriarnermik tunuliaquteqarpoq - alleriarneq Mentoriximut qaffasinnerpaamik inissitsitsisoq.

- Tulluusimaartorujussuunera isertuukkusunngilara. Mentoriximi uagut ilungersorluta sulerulunnikuuvugut, nuanneqaarlu sulisut pitsaasut, atuisullu iluarisimaartut iluatsilluarmata, pilersitsisoq aamma pisortaanerusoq Kenny Munck tusagassiorfinnut nalunaarummi taama erseqqissaavoq.

Suliffeqarfik Danmarkimi pingaarnertut allaffeqarpoq, Nuummilu aamma Hollandimi allaffeqarluni.

Piginnaasanik ineriartortitsineq
Mentorixi piginnaasanik ineriartortitsinermik aamma aqutsinermut siunnersuinermik suliaqarpoq, ilaatigut projekt-, program- aamma aqutsinermi.

- Piginnaasanik ineriartortitsinermik sulinerput aqqutigalugu digitaliusumik ilinniartitsinermut atortoq, Eurekos, pilersinnikuuarput. Taanna ilaatigut Hollandimi ilinniartunit aamma ilinniartitsisunit 60.000-nik amerlanerusunit atorneqartarpoq, Kenny Munck oqarpoq.

Mentorix 2010-mili pilersinneqarnermi kingorna peqatigiiffiit aamma inuit piginnaasaannik ineriartortitsinermik aallutaqarpoq.

Aamma atuaruk: Inuussutissarsiornikkut paasissutissiisarnermi Binzer ikiueqataarusuttoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER