Skip to main content

Nuummi suliffeqarfik quersuaq aamma nassiussanik piareersaavik aqutsivillu nutaaq

Suliffeqarfiit allat immaqa immikkut aallutinngisaat, suliffeqarfiup nutaap aaqqiissutissaqartippaa

Video Leif inimit attartukkaminit maanna anereermat, suliffeqarfik nutaaq, tassaasoq Nuuk Lager & Logistik, suliffeqarfinnut inuinnarnullu quersuarmik aamma nassiussanik piareersaavimmik aqutsivimmillu neqerooruteqartoq inissaqartinneqalerpoq. Ataataasup erneratalu sulisullu arlaqanngitsut suliassat soorlu quersuarmiititsinernut, quersuarmik aqutsinermut tunngasut, nuunnerit suliassallu allat tamakkununnga tunngassuteqartut isumagisarpaat.

Nassiussanik piareersaaneq aqutsinerlu nuannarigaat 

Suliffeqarfimmik piginnittut tassaapput Atli Lilliendahl taassumalu ernera Ittu Lilliendahl. Taakku marluullutik nassiussanik piareersaanermik aqutsinermillu nuannarisaqartuupput, taamaattumillu suliarisartagaat aaqqissuussinermut tunngassuteqartarlutik. Quersuarnik aqutsinermik atortorissaarutinik aamma atuisarput, taamaalilllutik suliffeqarfiit quersuarniititaminnik nakkutiginnissinnaassammata taamalu pisiassatik killilersinnaassallugit eqqaanissarlu pinngitsoortillugu, suliffeqarfiimmi taamaalillutik ileqqaagaqassammata.

Nuutassat angisuut mikisullu isumagisaraat 

Suliffeqarfiup Nuuk Lager og Logistikip saniatigut Lilliendahlikkut Minitransport/Nuuk Flytteservice aamma ingerlataraat, tamatumani nutsernerit, inuinnarnut suliffeqarfinnullu tunngasut aamma suliassat tamakkununnga assingusut isumagisarlugit. Suliffeqarfik arlalinnik assartuutinik biileqarpoq lastbiiliuteqarlunilu, taamaalillutik suliassaminnik eqaatsumik isumaginnissinnaallutik.

Quersuarmiititsineq tunniussisarnerillu 

Nuuk Lager & Logistikimi toqqortaqarnissamik neqerooruteqartarput, nillertumi quimiitinneqartussanik aamma kiassakkamiitinneqartussanik neqerooruteqartarlutik. Quimiittuuteqartarneq qarasaasiakkut pisiniarfinnut aamma neqeroorutigisarpaat, allaammi pisiniat internetikkut inniminniigaangata tunniussinissamik neqerooruteqartarlutik. Taamaaliornikkut allaat suliffeqarfiit minnerusut queqanngikkaluarlutik imaluunniit nioqqutigisamik pisisumut qanoq anngunneqarnissaanik isumakuluuteqaratik ajornanngitsumik ingerlatsisinnaaniassammata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER