Nuummi suli tuniluuttoqartoq

Nuummi tunillatsissisimasut nutaat 20-t Sisimiunilu sisamat pingasunngornermi nalunaarsorneqarsimapput.

Ullormi kingullermi Nuummi tunillatsissimasut nutaat 20-t Sisimiunilu sisamat nassaarineqarsimapput, oqartussat nun.gl-ikkut ilisimatitsipput.

Sisimiuni atuarfimmi ataatsimi tunillaassuisutut ilisimaneqartunit tunillatsittoqarsimavoq, aammali tunillaassuisutut ilisimaneqanngitsunit tunillatsittoqarsimalluni. Taamaammat Sisiminiuni suli tuniluuttoqarpoq.

Oqaluffimmi tunillatsittoqarsimasoq

Ullormi kingullermi paasisat takutippaat, Nuummi inuiaqatigiit akornanni tuniluuttoqartoq. Meeqqerivinnut tallimanut, atuarfinnut pingasunut ilinniartoqarfinnullu attuumassuteqartunik suli tunillatsittoqartarpoq.

Sapaatiummat Annaasisitta Oqaluffianni naalagiartoqarmat tunillatsittoqarsimannguartiartoq ilisimatitsissutigineqarpoq.

Pingasunngornermi tunillatsissimasut amerlassusaat
Powered by Labrador CMS