Skip to main content

Nuummi skakkertoqaqqilersoq

Islandimiut skakkertartut peqatigiiffiat Hrokurinn juunip tallimaannit qulingannut Nuummi skakfestivalertitseqqissaaq.

Ukiumoortumik aaqqissuunneqartartumi Air Iceland Connect festivalimi, Kalaallit Nunaata Islandimi ikinngutaannit aaqqissuunneqartartumi una oqariaaserineqarpoq: Gens Una Sumus, Ilaqutariippugut.

Hrokurinnimut ilaasortat juunip tallimaanni Kalaallit Nunaaliassapput ilaatigullu atuarfimmut pulaassallutik 1. klassimilu atuartuartunut 100-nut sikkilernermi niaqorornaveeqqutinik, Islandimi suliniaqatigiiffimmit Kiwanis-imeersunik Eimskipimeersunillu tunissutinik agguaassallutik. Taava aamma pulaassavaat meeqqat angerlarsimaffiat, angerlarsimaffeqanngitsut unnuisarfiat aamma Nuummi parnaarussivissaq.  

Nuuk Centerimi arfininngornermi juunip arfineq-pingajuanni skakkernersuaqassaaq. Tassani skakkernermut mesteri aamma Hrokurinnimi siulittaasup tullia Robert Lagermann qaaqqusanut ataatsikkut skakkeqateqassaaq aamma kikkulluunniit tamarmik tikilluaqqusaapput.

Nuummi sapaammi juunip 9-anni 2019-imi Air Iceland Connect ingerlanneqassaaq. Tassani Steffen Lynge peqataassaaq mesteriuninilu illersussallugu. Taanna Hrokurinnimut ikinngutaalluartuuvoq, politiiulluni nipilersortartuullunilu. Taanna Hrokurinnip Nunarput tamakkerlugu skakkernermik  siaruarteriniarnerani aallaqqaataanniit peqataasarpoq.   

Hrokurinn Nunatsinni skakkernermik unammiuaarnermik siullermeerluni aaqqissuivoq Qaqortumi 2003-mi. Tamatuma kingorna Nunatsinni skakkernermik aaqqissuussinerit 80-it missaat aaqqissuuttarsimavai, skakkerfinnik tusindilikkaanik peqatigiiffiup ikinngutaannit tunissutinik agguaasarluni, inooqatigiinnikkullu suliniutit allarpassuit aamma peqataaffigisarsimallugit. Hrokurinnip anguniagaa angisooq tassaavoq nunat taakku sapinngisamik amerlanerpaatigut attaveqaqatigiinnerulissasut, illuatungeriillutik imminnut tunngasunik ilisimasaqarnerulissasut ikinngutigiinnernillu nutaanik pilersoqartassasoq.

Air Iceland Connect Hrokurinnip Kalaallit Nunaanni suliniuteqarnerani aallaqqaataaniilli annerpaamik tapersersuisuusimavoq. Timmisartortitseqatigiiffiup nunat taakku marluk timmisartuussinikkut annertusaaffigineqarnerat ukiorpassuarni ineriartortissimavaa. Aamma Reykjavikip kommunia festivalimut tapersersuisuuvoq aamma Nunatsinni skakkerluni unammiuaartitsinissanut Islandimi suliffeqarfiit assigiinngitsorpassuit nersornaasiisarput, tunissuteqartarlutik ajugaasunullu akissarsiassaqartitsisarlutik. Soorlu tamakku tassaallutik Pennin, Noi-Sirus, Isspor, Forlagid allarpassuillu. Taava aamma arnat nuersaasartut Gerdubergimeersut arnallu nuersaasartut allat atisanik nuersakkanik pitsassuarnik meeqqanut inersimasunullu Nunatsinniittunut nassiussisartut, skakkertartut peqatigiiffiat oqaluttuarpoq.  

Nuummi Air Iceland Connect festival 2019-imi ataqqinaammik qaaqqusaasussaq tassaavoq Kristjana Gudmundsdottir Motzfeldt. Taanna ukiuni 25-ni Kalaallit Nunaanni najugaqarsimavoq uigalugulu Jonathan Motzfeldt, Nunatsinni naalakkersuisunut siullersaalluni siulittaasuusimasoq aamma Nunatta ataataanersaattut taaneqartartoq.

Tasiilami ullut nuannaffiit
Siullermik inuiattut ullorsiorneq nalliuttorsiutigineqarpoq kingornalu illoqafiup ukiunik 125-nngortorsiornera nalliuttorsiutigineqarluni.
Atuarfiup pisortatsialaa: Killitsinnaqaaq tupaallannarlunilu
Torbjørn Ydegaard Ittoqqortoormiini Ejnar Mikkelsenip Alivarpianeersoq ”Atuarfimmi ukiup pisortatsialaatut” Kommuneqarfik Sermersuumit toqqarneqarpoq.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER