AWG 2016

Nuummi sisorarluni ooqattaasarneq ilinniaruk

Arctic Winter Games Nunatsinnit sisorarlutik ooqattaasartartunik peqataasussanik amigaateqarpoq. Taamaattumik aaqqissuisut arfininngornermi apriilip 25-ani aamma sapaammi apriilip 26-ani ullukkut misiligummik sisorarluni ooqattaasarneq soqutiginnittunut unammissutigitinnialerpaat

Assi AWG2016-imut sisorarluni ooqattaasartitsinermut siorna siullermeerluni ingerlanneqartumeersuuvoq

Biathlonimik misiliinissaq utaqqiisaagallartumik biathloniffissaliami Qinngorpumiittumi ingerlanneqassaaq, aappaagu AWG2016 ingerlanneqalerpat tassanerpiaq biathlonertoqassammat.

Biathlonimik misileeqataaniaraanni 16-inik ukioqalereersimasariaqarpoq, nammineq ujakkaarutinik aamma qoorortuuaqqamik cal. 22-mik nassartariaqarluni, kisiannili AWG2016 patroninik agguaassassanik nassarumaarpoq.

Unamminerit ima agguataarneqassapput:

  • Arnat angutillu 16-iniit 20-nut ukiullit
  • Angutit 20-nik ukiulinniit qummut
  • Arnat 20-nik ukiulinniit qummut

Misiliilluni unammisitsinermi unammeqataallutik ajugaasut akissarsiassaqarput.

Peqataaniarluni uunga: Akannguaq Lennert, e-mail: akannguaq@hotmail.com, nalunaarnermi qassinut unamminissat oqaatigineqassapput.

Powered by Labrador CMS