Nuummi savilersortoqarnera: Unnerluussisussaatitaasup piffissaligaanngitsumik tigummisassanngortitsinissaq piumasaraa
Eqqartuussisoqarfik Sermersooq 21. marts toqutseriartoqarsimaneranik suliami aalajangiissaaq. Unnerluussisussaatitaasup piffissaligaanngitsumik tigummigallarneqarnissaanik tarnikkut napparsimasunut eqqartuussinermi atorneqartartumik piumasaqarpoq.
Siorna maajimi angutip inuk sakiaatigut marloriarlugu uummataa 4-5 centimeterinik uniorlugu savimmik kitserummik kapisimavaa. Pinerliffigineqartulli savik nikisissimavaa, taamaalillunilu savimmik kapineqarnerminit toqunissani pinngitsoortillugu.Eqqartuussisoqarfik Sermersooq 21. marts toqutseriartoqarsimaneranik suliami aalajangiissaaq. Unnerluussisussaatitaasup piffissaligaanngitsumik tigummigallarneqarnissaanik tarnikkut napparsimasunut eqqartuussinermi atorneqartartumik piumasaqarpoq.
Allakkami unnerluussissummi tamanna atuarneqarsinnaavoq. Suliarlu taamaattumik Eqqartuussisoqarfik Sermersuumi 21. marts suliarineqassaaq, toqutseriartoqarsimaneranik suliaq.
Pisoq 23. maj 2022-mi nal. 18.45 aamma 19.00 akornanni Nuummi Lyngby-Tårbæksvejimi pivoq.
Unnerluussisussaatitaasup pinerluttulerinermi inatsimmi pinerluttunut tarnimikkut napparsimasunut immikkut pineqaatissiinerit pillugit aalajangersakkat malillugit piffissaligaanngitsumik tigummigallarneqartussanngornissaa piumasaraa.
Unnerluutigineqartup Danmarkimi tarnimikkut napparsimasunut napparsimmaviannut inissinneqarnissaa unnerluussisussaatitaasup suliami uani piumasaraa.