Skip to main content

Nuummi sanaartukkap kinguaattoornera kommunip naammaginngilaa

Kommuneqarfik Sermersuup erseqqissarpaa Nuup illoqarfiata qeqqani Tuujummi inissialiornerup kinguaattoornera pakatsinartuusoq.

Sanaartornerup kinguaattoorneranik Nuuk TV-p saqqummiussaa pissutigalugu kommuni qisuariarpoq.

Nuummi Ceresvejimi Tuujummi sanaartorneq ingerlanneqarpoq, Blok P-kup maanna isaterneqareersup, eqqannguani.

Sanaartorneq ukioq kinguaattoorpoq, nunap qerineratigut sanaartukkap toqqavia qullaallatsinneqarmat.

– Kommuneqarfik Sermersuumi Sanaartornermut Avatangiisinullu Ingerlatsiviup qaammatini kingullerni sanaartukkamut tamarmiusumut siunnersorti entreprenørillu qanimut oqaloqatigisarsimavai, sanaartornerup illersorneqarsinnaasumik aallartinnissaanik. Suliaq tamanna suli ingerlavoq, Kommuneqarfik Sermersooq tusagassiorfinnut nalunaarutikkut paasissutissiivoq.

Tuujummi sanaartugassat immikkoortut pingasuupput, immikkoortullu tamarmik 42-nik inissiartaqarput.

– Immikkoortoq siulleq uninngavoq, suliap aallarteqqinnissaanut pissutsit iluarsinissaat utaqqineranni. Matumani kommunip suliamut tamarmut siunnersortip inassuteqaatai maliinnarpai, Sanaartornermut Avatangiisinullu Ingerlatsivimmi pisortaq Mike Kristiansen oqarpoq.

Kommunip kinguaattoorneq ajuusaarutigaa, aammattaarli erseqqissarlugu suut tamarmik malittarisassat malillugit ingerlasut.

Suli siusippallaaqaaq oqaatigissallugu kinguaattoorneq Kommuneqarfik Sermersuumut aningaasartuutaassanersoq, kommuni erseqqissaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER