Nuummi qummoroortaatinik sualuttumik ajoqusertoqarsimanngilaq
Nunatsinni illoqarfiit annersaanni, Nuummi, 18.000-it sinnerlugit innuttaqartumi, qummoroortaatinik sualuttumik ajoqusertoqarani ukiortaarsiortoqarpoq.
Nunap immikkoortuani nakorsat pisortaat Jesper Olsen, Dr. Ingridip Napparsimmavissua, Sermitsiaq.AG-mut paasissutissiilluni oqarpoq, ukiuni kingullerni qummoroortaatinik sualuttumik ajoqusertoqartarsimanngitsoq. Ukioq manna aamma taamaattoqarpoq.
- Batteriinik atussallugit isumannaannerusunik atuisoqarnerulersimanerata kingorna ajoqusernernik annertuunik misigisaqartarunnaarsimavugut. Taamaalilluni Nuuk, Paamiut aamma Ittoqqortoormiit eqqarsaatigalugit qummoroortaatinut atatillugu isitigut ajoqusertoqarsimanngilaq, nunap immikkoortuani nakorsat pisortaat 2021-p ulluani siullermi paasissutissiivoq.
Uutiternerit annikitsut
Taamaattorli paasissutissiivoq, inuit ilaat nalinginnaasumik aqaguani napparsimmavimmut saaffiginnittartut annikitsunik uutitersimanertik pissutigalugu.
- Immaqa ullororiartornerani inuit qaatusimalerpata inunnik assamminnik misissortikkusuttunik saaffiginnittoqarumaarpoq, Jesper Olsen oqaluttuarpoq.
Nuna quasassimavoq, peqqinnissaqarfimmillu ukiuni kingullerni inassutigineqartarsimavoq, inuit qummoroortarialersinnatik isumannaatsunik kamippalertassasut.
- Nalliuttorsiutinik skooqarluni anigaanni imaaliallaannaq ajutoortoqarsinnaavoq ajoqusernermik kingunilimmik, Jesper Olsen nassuiaavoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...