Skip to main content

Nuummi qiulluni toqusoqangajaqqittoq

Pingasunngornerup unnuaani arnaq silami sinittoq nassaarineqarpoq

Ukioq manna inuit marluk unnuakkut qiullutik toqoreerput, unnuarlu aamma imigassartorsimaneq issilu inuup inuuneranik naleqartitsingajappoq.

-  Ukioq manna aalakoorujussuarsimaneq silamilu artulersimaneq pissutaalluni toqusoqarnera, Nuummi tamanna arlaleriarluta misigereerparput. Unnuaq politiit angummik inuusuttumit attavigineqarput, arnamik silami apummi sinittumik nassaarsimalluni nalunaartoq, politiit ilisimatitsipput.

- Qujanartumilli silami sininnera suli sivitsorsimanngitsoq suleqatitta itersariarlugu angerlarsimaffianukaassimavaat.

Atuaruk: Akunnerup ataatsip iluani angutit toqungasut marluk nassaarineqartut

Politiit Facebookimi quppernerminni aamma allapput, unnuakkut issitsillugu aniniaraanni eqqarsarluartoqartariaqartoq.

- Sila taamaatsillugu aalakuungaatsiaraannilu silami angalaarneq ajoraluartumik imminut navianartorsiortinnerusinnaavoq. 

Novembarip aallaqqaataani ukiormanna akunnerup ataatsip iluani Nuummi angutit marluk toqungasut nassaarineqarput, taakku unnuami nalasimallutik qiullutik toqusimapput. Aappaa 30-t sinnerlugit ukioqarpoq, aappaalu 60-inik ukioqarluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER