Nuummi Politiit ujajaasoqarneranit takunnittunik ujaasipput
Nuummi Politiit decemberip aallaqqaataani 2019-imi, sapaatip unnuaani nalunaarfigineqarput Pisiffik Nuussuup Narsaviallu akornanni, pisuinnnaat aqqutaanni, nalunaaqutaq 3.00 missaani ujajaasoqarsimasoq.
Obs. Kalaallit Nunaata Politiivinit paasissutissat amerlanerusut ilanngullugit allaaserisaq nal. 11:40 nutarterneqarpoq.
Nuummi Pisiffik Nuussuup Narsaviallu akornanni pisuinnaat aqqutaanni sapaatip unnuaani nalunaaqutaq 3.00 missaani ujajaasoqarnerani takunnissimasinnaasunik, Nuummi Politiit ujaasipput.
- Inuk angumminngaanniit ujajaaffigitippoq. Maannakkuugallartoq oqaatigissanngilara suut tillinneqarsimanersoq, Kalaallit Nunaanni Politiini pingaartut pisortaat ilisimatitsivoq.
- Nuummi Politiit ujajaasumik takunnissimasinnaasunik tusaasaqarsimasinnaasunilluunniit, allatigulluunniit ilisimasaqartunik ujaasivoq, Nuummi Politiit allapput.
Pinerliisoq ujajaareernermini qimaavoq, ilisarnaatilli ukut politiit pissarsiaraat:
- Angut
- Cirka 170 cm
- Qernertumik nasaqarpoq, qernertumik kiinarpaqarluni. Qernertumik kavaajaqarpoq, qarliit qasersut atorlugit kamiillu Salomonimik meqqillit, tungujortumik qasertumillu qalipaatillit atorlugit.
Inuit takunnissimasut tusaasaqarsimasulluunniit Nuummi Politiinut attaveqaqquneqarput, uunga sianerlutik 70 14 48.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...