aningaasarsiffik
Nuummi politiit sapaatip akunnera kingulleq suliarpassuaqartut
Nipilersornermik festivalertoqarnera akissarsiffiusimaneralu Nuummi politiinut suliaqartitsivoq, politiit nalunaarput
Annonse
Qaammatip naanerani akissarsiffiugaangat Nuummi politiit suliassarpassuaqaannavittarput.
Nuummi politiinit Mikael B. Kofoed nalunaarpoq suliarpassuaqarsimallutik:
- Akisuanerit Festivalertoqarnera akissarsiffiuneralu sapaatip akunnerani maluginiagassaavoq. Sapaatit akunnerini nalinginnaasumit suliaqarneruvugut, angerlarsimaffinni eqqissisaajartornerit amerlasuut kiisalu imigassartorsimanerup kinguneranik aaqqiagiinnginnerit amerlasuut suliaraavut, Nuummi politiinit oqarpoq.
Sapaatip akunnerani pisut:
- Angerlarsimaffinni eqqissisaanerit 22-t
- taakkunani meerartallit pingasut
- aalakoorpallaartut aqqanillit
- aqqusinerni eqqissiviilliornerit arfineq pingasut
Nakuusernerit assigisaallu:
- Nakuusertoqarsimaneranik nalunaaruteqartut qulit
- Inuiaqatigiinni sullissisunik eqqunngitsuliortut sisamat
- kannguttaalliorfiginninnerit marluk
Iluanaarniartut:
- Tillinniarnerit, peqquserlunnerit aserorterinerillu 16-t
Aqqusinermi angallannermik unioqqutitsinerit
- Unioqqutitsinerit tallimat
Pinerluttuliornerit:
- Ikiaroornartunik tunngasunik unioqqutitsisut arfineq marluk