Nuummi politiit angallataat atserneqarpoq
Nuummi politiit angallataat atserneqarnerani sissiukkami kalaallisoortoqarpoq oqalugiartoqarlunilu. Overassistenti Vivi Johanne Lynge angallammut atsiisuuvoq angallatillu isumannaatsumik angalanissaanik kissaasivoq.
Politiit angallataat Nakuaq maanna Nuup eqqaani annaasiarluni allatigulluunniit ikiuiniarluni angalasinnaanngorpoq. Nakuaq Nuummi ataasinngornermi atserneqarpoq.
Politikommisæri aamma Nuummi politiit immikkoortortaqarfiani pisortaq Carl Sværd atsiussinermi oqalugiarput. Carl Sværdip oqalugiarnermini oqaatigaa angallatik isumannaatsumik angalasinnaalernera qanoq pingaaruteqartiginersoq.
- Kalaallit Nunaata politiivini 2016-ip 2019-illu akornanni minnerpaamik sapaatip akunneranut ataasiarluta annaasiniartarnitsinni angallatsip sukkasuuliap maanna atuutsilernera isumalerujussuusaa. Nakuap sukkanerusumik periarsinnaanerput sukkatsissaavaa, tamannalu inuunermik annaasisinnaanermi pingaaruteqartorujussuuvoq, Carl Sværd oqalugiarnermini taama oqarpoq.
Vivi Nakuamut atsiussisuuvoq
Vivi Johanne Lyngep Nakuaq champagnemik kuillugu atserpaa. Vivi atsiussisutut toqqarneqarpoq ukiorpassuarni politiiunermini annertuumik ilisimasaqarami suliassallu ilungersunartut aaqqinneqarnissaat suliniutigiuartarsimallugu.
- Vivip kissalaassusaa naapikkuminartuuneralu suleqatigiilluta takuarparput, taamaammat isumaqarpugut Vivip Nakuamut atsiussinissaa naapertuuttoq, Carl Sværd atsiussinermi taama ilaatigut oqarpoq.
Politiit angallataat Tasiilami Malik, Aasianni Kimik Qaqortumilu Nukik angallataasimasunut atsiunneqaqqipput. Angallatit taakkua 60-ikkunniit 90-ikkut tungaanut sumiiffinni atorneqartarsimapput, soorlu aamma Nakuaq Nuup eqqaani atorneqartarsimasoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...