niuertarfiit

Nuummi pisiniarfik akikitsuerniarfik siulleq

'Super1 Aamma Discount' tallimanngorpat ammassaaq

Pisiniarfiup akikitsuerniarfiup Rema 1000 qanimut suleqatigissavaa

Tallimanngornermi apriilip 29-ani Nuummi akikitsuerniarfiit siullersaat 'Super1 Aamma Discountimik' ateqartoq ammassaaq.

Pisiniarfik illoqarfiup qeqqani 500 kvadratmeterisut atsigisumi inissisimassaaq.

Arctic Import
Arctic Import A/S nutaamik ammaasuuvoq, pisiniarfik nutaaq qallunaat-norskit pisiniarfiutaat Rema 1000 suleqatigalugu ingerlanneqassaaq.

Pisiassat akikitsut saniatigut pisiniarfiup nerisassanik eqqaaneq akiorniarlugu aallutaqarniarpoq, ilaatigut pisiassanik piffissamik qaangiuttuulersunik akikilliliinikkut.

Arctic Import aamma illumi tassani neriniartarfimmik nerisassanik kissariaannarnik nioqquteqartumik ammaassaaq.

Atuaruk: Arctic Import burgerinik nioqquteqartunngortoq

Akit appasittut
Akikitsunilli nioqquteqartartarneq Kalaallit Nunaat nutaajunngilaq. Tassami pisiniarfiit annerit soorlu Brugseni aamma Pisiffik akikitsunik aalajangersimasunik akilinnik nioqquteqartarput.

Atuaruk: Akit qaffasissorsuit appariartulerput

Powered by Labrador CMS