Skip to main content

Nuummi pilersaarut: Qimminik aneerussisarfik ataaseq amerlanerusulluunniit

Illoqarfiit pingaarnersaanni qimmiutillit qimminik aneerussisarfimmik ataatsimik arlalinnilluunniit pilersitsinissamut kissaateqartarsimapuut. Tamannalu Sanarfinermut Avatangiisinullu Ingerlatsivimmit iliuuseqarfigerusunneqarpoq.

Uumasuutitut nalunaarsorneqarsimasut 790-iupput, taakkunannga qimmit amerlanerpaallutik, taamaammat uumasuutit allanut qimminik ersigisalinnut akornutaanngitsumik killeqanngitsumik pangalissinnaanissaat anguniarlugu qimmiutilippassuit qimminik aneeerussisarfimmik pilersitseqqusillutik Kommuneqarfik Sermersuumut saaffiginnittarsimapput.

Sanarfinermut Avatangiisinullu Ingerlatsivimmit qimminik aneerussisarfik taaneqarsimavoq ”nunaminertaq ungalusaq minnerusoq annerusorluunniit qimmit pituutaqaratik killeqanngitsumik pangaliffigisinnaasaat”. Kommunip maleruaqqusaani allassimagaluarpoq, qimmit illoqarfimmi sanaartorfimmiluunniit pituutaqartillugit angallanneqartassasut.

Ataatsimiititap ataasinngorpat martsip arfineq-pingajuani ataatsimiinnerani siunnersuummut politikkerit isummissapput, ingerlatsivimmillu aneerussisarfissaq Qinngutsini inissisimasussatut oqaatigineqareersimavoq.

Qinngutsinni qimminik aneerussisarfissaq
Kommuneqarfik Sermersooq

Ingerlatsivimmit qimminik aneerussisarfimmik pilersitsinermut atatillugu, Donnas Dyreklinik suleqatigalugu, atorneqartarnissaanut najoqqutassiortoqarnissaa siunnersuutigineqarpoq.

Ingerlatsivimmi pisortap Hans Henrik Winther Johannsenip ilimatitsissutigaa, missingersuutit atuutereersut iluini sumiiffissatut siunnersuutigineqartumik qimminik aneerussivissamik pilersitsisoqarsinnaasoq. Tassungami atatillugu ungalunik, issiavinnik takisuunik kiisalu eqqakkat imaartarnissaanut pilersitsinermut aserfallatsaaliuinermullu aningaasartuuteqartoqassammat.

Siunnersuutigineqarpoq, inississimavissaanut siunnersuut tamanut tusarniaassutigineqassasoq, matumanilu allanut imaluunniit ilassutissatut inissinneqarnissaanut siunnersuutinut ammaassisoqarluni.

Tamatuma kingorna Aningaasaqarnermut Ataatsimiititaq kommunalbestyrelsilu ilisimatinneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER