Nuummi parnaarussivittaassaq: Nunatsinni sanaartugassanik suliakkerneqartartut annersaat annaasaqarujussuartoq
Naak Permagreen Nuummi parnaarussivissamik sanaartornermini 2018-imi 39 millionit koruuningajannik annaasaqaraluarluni suliffeqarfik sanaartugassanik suliakkerneqartartoq taanna sanaartukkaminit allanit aningaasarsiorluarpoq. Permagreen akileraarutinik akileereernermi kingorna 5,4 millionit koruuninik amigartooruteqarpoq.
Nunatsinni aningaasarsiornerup qaffakkiartornera ingerlaannarpoq, inuussutissarsiornermillu ingerlataqartut ingerlarsorput. Tassami aningaasarsiornikkut ingerlalluartoqarnerani aningaasarsiortoqartariaqarpoq. Sanaartugassanik suliakkerneqartartut aamma suliffeqarfiit assassornermik ingerlataqartut inissiarpassuarnik, inuinnarnut, kommuninut aamma Namminersorlutik Oqartussanut sanaartornerminni sulisussaminnik amigaateqarlutik suli nilliapput.
Suliffeqarfiilli ilaat, taakkununnga ilaalluni Permagreen Grønland A/S, aningaasanik annaasaqarput. Preben Kold Larsenimut, Nunatsinni suliffeqarfinni sanaartugassanik suliakkerneqartartuni piginneqataasuni annerpaamut pisortaanerusumullu 2018 ukiuusimavoq nuannerpallaanngitsoq.
Suliffeqarfiummi taamaalilluni ukiup aappassaanni ingerlatsinermini aamma naatsorsuutit inernerini amigartooruteqarnini ilungersuutigaa.
Taamaattorli sanaartugassanik suliakkerneqartartoq parnaarussiviliornermini 39 millionit koruuninik annaasaqaraluarluni siorna sinneqartuungajalluinnarpoq.
Permagreenip naatsorsuutai naapertorlugit ingerlatsinermi amigartoorutit 2,6 millionit koruuniupput, ukiup siuliani amigartoorutit 25,6 millionit koruuniusimallutik. Preben Kold Larsenip suliffeqarfiutaa 2018-imi akileraarutit akilereeerlugit 5,4 millionit koruuninik amigartooruteqarpoq, 2017-imi 19,9 millionit koruuninik amigartooruteqarsimalluni. Siorna amigartooruteqarnermut pissutaasoq tassatuaavoq Nuummi immikkoortortaq parnaarussiviliornermut isumaginnittuusoq.
Immikkoortortaqarfiit sinneri naammaginarluinnartumik angusaqarsimasut, Permagreenimi qullersat 2018-imut naatsorsuutini nalunaarusiami allapput.
– Amigartoorutit Nuummi parnaarussivissamik sanaartornermit taamaallaat patsiseqarput. Naatsorsuutigigaluaratsigu sanaartugarput naammassillugu 2018-imi aasalernerani, kinguartuulaarluta tunniussinnaassallutigu. Pilersaarutilli annertusiartornerata kinguneranik sanaartorneq sivitsorneqartariaqalerluni, nalunaarusiami ilaatigut taama allassimavoq.
AllaaserisaqtamakkerluguaviisiSermitsiamiatuarsinnaavat. Aviisiuaniataanipissarsiarisinnaavat:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
