Nuummi parabol-antenneqarfissap suliarineqarnissaa ilimanarsisoq
Nuummi isertitsiviup nutaap eqqaani parabol-antenneqarfiliornissamik pilersaarutip piviusunngortinneqarnissaa periarfissaqalerpoq, martsillu qaammataani akiliisinnaajunnaartoqarnerata malitsigisaanik takorluugaannaassanani.
Amerikami akiliisinnaajunnaartoqartarneranut eqqartuussiviup juulip qulingani akuersissutigaa, Tuluit Nunaanni naalakkersuisut aamma Bharti Blobalip akiliisinnaajunnaartup pigisaanik tigusaqassasut, taamaalu satellitsinik hunnorujorpassuarnik amerlassusilinnik silaannarsuarmut aallartitsinissamik suliniut qulakkeerlugu, satellitsit nunarsuarmi sumiikkaluaraanniluunniit sukkasuupilussuamik akikitsumik internetseqarnissaq qulakkeertussaavaat.
New Yorkimi eqqartuussisoqarnerani akuersissutigineqarpoq, maannamut aningaasaliissuteqartuusimasut, SoftBank aamma Grupo Elektra, Tuluit Nunaanni naalakkersuisunit Indiamiittumilu Bharti Globalimit, ingerlatseqatigiiffimmut 50 millioner dolarsit sinnilaarlugit aningaasaliissuteqarallartunit taarserneqarnissaat. Taamaalilluni qulakkeerneqassaaq, OneWebip Frankrigeminngaanneersoq suleqatigalugu satellitsinik suli amerlanerusunik sanaartornissaa silaannarsuarmullu aallartitsinissaa.
Isumaqatigiissut allanngortinneqassasoq
Satellitsit qassit sananeqassanersut erseqqissaaffigineqarsimanngilaq. OneWebip oqaaseqartartuata Molly Townsendip juulip 13-iani oqaatigaa, satellitsit aallaqqaammut 648-sut pillugit isumaqatigiissut allanngortinniarlugu suli suliaqartoqartoq.
OneWebip pilersaarut annertooq annikilliniarneraa aamma nunarsuaq tamakkerlugu atassuteqarsinnaaneq annikilliniarneraa ilisimaneqanngilaq. Taamaammat Tele Greenlandip parabolanttenneqarfiup imaatigullu kabelip akornanni atassusiinissamik qulakkerinnittussatut suleqataasoq, piginnittut nutaat isumaqatigiissutissaat utaqqisariaqarpaa.
Alok Sharma,Tuluit Nunaanni niuernermi, nukissiuuteqarnermi suliffissuaqarnikkullu periusissiortarnermi naalagaaffimmut allattaasup, tuluit naalakkersuisuisa ilanngunnerannut aningaasarsiornissaq tunngaviusoq.
Peqatigitillugu OneWebip tuluit periarfissippa, ”Tuluit Nunaata nunat sumiiffiinut tunngassuteqartut pillugit politikkikkut periuarfissaqarnissaanik”, nunammi anguniagarimmagu avataarsualiartarnerup iluani nunarsuarmi siuttunngornissaq”, tusagassiorfik spacenews.com allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...