Palasip suliunnaarsinneqarsimanera pillugu nittartakkani attaveqatigiiffiusuni allaaserineqarsimasoq Nuummi innuttaasunit arlalinnit oqallisigineqarpoq. Allaaserineqarsimasoq maannakkorpiaq 195-init qisuariarfigineqarsimavoq, 101-init akissuteqarfigineqarsimalluni kiisalu 140-riarlugu siammarterneqarsimalluni.

Allaaserisami palasi Markus E. Olsen, Nuummi palasiusoq suliunnaarallarsimasoq allaatigineqarpoq.

Allaaserisami palasip oqaluussineri nutaaliornerusut, nunatsinnilu pissutsinut tulluarsagaasut oqaaseqarfigineqarput. Palasi nittartakkakkut attaveqatigiiffiusuni tapersersorneqarluarpoq.

Biskoppeqarfik oqaaseqassanngitsoq

Tusarfiit tutsuiginartut Sermitsiaq.AG ilisimatippaa Markus E. Olsen, teologitut ilinniakkaminik naammassinnissimasoq siornalu palasinngortoq, Nuummi palaseqarfimmit maanna atuuffimminit suliunnaarsinneqarallarsimasoq.

Tusarfiulli ilisimatitsissutigisinnaanngilaa suliunnaarsitsineq sumik tunngavilersorneqarnersoq.

Markus E. Olsen oqaluussinermini ilaatigut biibili aallaavigisanngilaa. Inuiattut ullorsiornermi oqaluussinerup saniatigut qilaatersortumik aamma ilanngussititsisimavoq.

Biskoppeqarfik Sermitsiaq.AG-mut ilisimatitsivoq sulisunut ataasiakkaanut tunngatillugu sulianut ingerlasunut oqaaseqarsinnaanani.

Nutaarsiassat

Kommuneqarfik Sermersuumi Kommunalbestyrelsimit Angallanneq pillugu Siunnersuisooqatigiit pilersinneqarput

Kommuneqarfik Sermersuumi Kommunalbestyrelsimit angallanneq pillugu Siunnersuisooqatigiinnik pilersitsinissaq aalajangerneqarpoq.

Angallanneq pillugu Siunnersuisooqatigiit angallannermut...

Suliffissarsiortunut 18+ suliniuteqarnissamut sullissisussanik ujartuineq

Majoriaq Nuuk suliffissarsiortunik 18+ ukiulinnut, sullisserusuttunik ujartuivoq. Illit imaluunniit suliffeqarfiuteqarussi Inersimasunik suliffissarsiortunik susassaqartitsinermik suliaqarnermik...