ikuallattoq

Nuummi Paarnani inissiaq ikuallattoq

Inuit arfineq-marluk arfineq-pingasulluunniit Nuummi Paarnani inissiami arfininngornermi ullaap-tungaani ikuallattoqarneranut atatillugu napparsimmavimmut unitsinneqarput

Paarnani arfininngornermi ullaap-tungaani inissiamik ikuallattoqalerpoq.

Nuummi Paarnani arfininngornermi ullaap-tungaani ikuallanneq annertooq inuit arfineq-marluk arfineq-pingasulluunniit napparsimmaviliaanneqarnerannik kinguneqartoq, Nuummi Politiini pigaartuusoq, Mads Lynge, ilisimatitsivoq.

Arfininngornermi ullaap-tungaani nal. 09.44 Nuummi politiit Parnani najugaqartunit inissiami ikuallattoqarnera pillugu sianerfigineqarput. Politiit qatserisartullu ornigutilertorput.

Ikuallanneq maanna qaminneqarsimalereersoq, pigaartuusoq Sermitsiaq.AG-mut oqaluttuarpoq, tamatumali peqatigisaanik inuit arfineq-marluk arfineq-pingasulluunniit putsumik iioraasimanertik tunngavigalugu nakkutigineqartussatut imaluunniit uutitersimanerminnut passunneqassallutik napparsimmavimmut unitsinneqarsimanerat oqaatigalugu.

Politiit ajoqusersimasut qanoq innerannik maannakkuugallartoq ilisimatitsisinnaanngillat.

Ikuallanneq qanoq ililluni pilersimanersoq ilisimaneqanngilaq.

Pisumi nutaarsiassaqalerpat ilanngutasseeqqikkumaarpugut.

Powered by Labrador CMS