Nuummi paaqqinnittarfiit sulisussaaleqisut
Nuummi paaqqinnittarfiit tatineqaqqasut, kommunimit ilisimatitsissutigineqarpoq.
Kommuneqarfik Sermersuumit nalunaarutigineqarpoq, illoqarfiit pingaarnersaanni meeqqeriviit naammaginartumik maannakkorpiaq sullissisinnaanngitsut.
Kommuni naapertorlugu, angajoqqaat ulluni makkunani malugisinnaassavaat, Nuummi paaqqinnittarfiit tatineqaqqasut.
- Paaqqinnittarfiit sulisussaaleqinermit ajornartorsiuteqareersut, sulisut aasaanerani sulinngiffeqarneranni ajornartorsiut sakkortunerusumik malugineqarpoq, Kommuneqarfik Sermersooq nittartakkamigut allappoq.
Susassaqarfimmi pisortaanerup taamatut inissisimasoqarnera ajuusaarutigaa:
- Sullissineq naammaginartoq piffissami uani tunniussinnaannginnatsigu ajuusaarnarpoq, taamaattorli taamatut inissisimanerput ullut 14-it missaanni qaangiuppata qaangiuunnissaat naatsorsuutigaarput, sulisugut sulinngiffeqarnerminniit uteriarpata, Meeqqanut Atuarfeqarnermullu Ingerlatsivimmi pisortaq Lone Nukaaraq Møller taama oqarpoq.
Ilanngullugu oqaatigineqarpoq, paaqqinnittarfinni perorsaasunik taakkununngalu ikiortinik amerlanerusunik sulisoqarniarnermut suliniutinik ataavartunik kommunimit suliaqartuartut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...