Nuummi oqallinneq: Pinerliiniarnerit unitsinneqartariaqarput
Meeqqat inuusuttuaqqallu eqimattanngorlutik pinerliisarnerit unitsinneqarnissaat anguniarlugu angajoqqaaq ernumasoq oqallissaarivoq.
Meeqqat inuusuttuaqqallu eqimattanngorlutik ukioqatiminnut saassussisoqaqattaarpoq.
Doris J. Jensenip pisunut ernumavoq, angajoqqaajuvoq ernumasoq, taamaattumik oqallititsinissamik aallartitsilluni.
- Tusakkat imaannaanngillat ernumanarlutillu. Iliuuseqartoqartariaqarpoq, maannakkummi soorlu tassa iliuuseqartoqarumanngitsoq. Suut periarfissat atorlugit pinerliinerit unitsinneqarsinnaaneri eqqartuerusullunga aggersaavunga, Sermitsiaq.AG-mut oqarpoq.
Innuttaasut toqqissisimasariaqarput
Meeqqat Illersuisuata aamma pisut sakkortuut qisuariaateqarfigereerpai. Meeqqat meeraqatiminnut nakuusertarnerat "ernumanarluinnartutut” isigaa.
Nuummi nukappiaraq 14-nik ukiulik eqimattanit inuusuttuaraqatiminit saassunneqaqqammerpoq. Piffissami matumani suliamut tamatumunnga assigusunik saaffiginnissutinik tigusisartarluni ilaatigut oqarpoq.
Unnugu oqallittoqassaaq
Iliuuseqarnikkut pissutsit allanngorsinnaasut Doris J. Jensenip tikkuarpaa.
- Akerliussutsimik takutitsisoqarsinnaavoq, ilaqutariit ataatsimoornerat nukittorsarneqarsinnaavoq, tassani akisussaaffeqaqatigiilluni pinerliiniarnerit unitsinneqarsinnaallutik. Pisut nalinginnaanngitsut aaqqiiviginiarlugit angajoqqaat suleqatigiittariaqarput, Doris J. Jensen oqarpoq.
Atuarfik Samuel Kleinschmidtimi oqallinneq pissaaq nalunaaqutaq 19.00-imit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...