Nuummi nutaamik neriniartarfiliortoqassasoq

Neriniartarfik 1000 kvadratmeterisut angitigisussaq pisiniarfittaqarlunilu qaavani aneersuartarfeqassaaq, Nuup qeqqani nutaamik sanaartortitsiniartoq illussanik titarraasarfik ilisimatitsivoq.

Rikke aamma Jørgen Pedersen, Nuummi pingasunik neriniartarfiuteqareersut akunnittarfiup nutaap HHE Expressip eqqaani neriniartarfiliortitsiniarput.

KHR Architecture, neriniartarfissamik nutaamik ukiuni arlalinni titartaasuusimavoq. Nurepa neriniartarfissap tunngavissaanik piareersaavoq, Inuplanilu suliassamut atatillugu ingeniøritut siunnersortaalluni, teknikkikkut pisortaallunilu piginneqataasoq Henrik Danielsen tusagassiorfinnut nalunaaruteqarluni ilisimatitsivoq.

Najoqqutassat pingasut

Illussanik titartaasarfiup sanaartugassaq pillugu ilisimatitsissutigaa, Kalaallit Nunaanni pinngortitaq isumassarsiorfigalugu sanaartornermi pingasunik najoqqutaqartoqarniartoq, pinngortitallu assigiinngisitaartuunera titartaanermi tunngavigineqarsimasoq.

Nutaanik ilusilersuisartut pisortaat Janina Zerbe nassuiaavoq:

- Sumiiffimmi pinngortitap assigiinngisitaartuunera tunngavigalugu titartaasoqarsimavoq, assigiinngisitaartuuneralu illup iluani assigiinngitsutigut atorneqassalluni, neriniartarfik, imerniartarfik igaffillu imminnut atassuteqassapput, initatigulli avissaaqqassallutik. Pissusissamisoortumik avissimatinneqassapput, peqatigisaanilli ataqatigiissinneqassallutik.

Svæver på transparent glas

Neriniartarfiup silataa Kalaallit Nunaanni pinngortitaq isumassarsiorfigalugu atortulersorneqassaaq: ujaqqat, siku qisullu.

- Pinngortitaq qaarsumik tunngaveqarpoq, tamannalu aallaavigalugu Kalaallit Nunaanni qaarsuik takutinniarlugu sukarsuit betonimik qernertumik qallerneqassapput. Tamatumalu saniatigut imaq sikulu isumassarsiorfigalugit igalaamineq atorneqassalluni. Neriniartarfissap qulaata tungaa qisummik sanaartorneqassaaq, taanna igalaaminerup qulaaniissalluni, KHR Architecturemi nutaanik ilusilersuisartut pisortaat nassuiaavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS