Nuuk
Nuummi nakorsiarniarluni inniminniiniarneq sivikillissaaq
Dronning Ingridip Peqqissaaviani Nuummiittumi oqarasuaatikkut nakorsamut nalunaaqutaq 8.15-mit 8.45-p tungaanut attaveqarsinnaasoqassaaq
Nuummi Dronning Ingridip Peqqissaavianut nakorsamut oqarasuaatikkut nakorsamut nalunaaqutaq 8.15-mit 8.45-p tingaanut attaveqartoqarsinnaanngussaaq septembarip arfineq pingajuat aallarnerfigalugu.
Nakorsat pisariaqartitsineq naapertorlugu nakorsiartitsinissanik neqerorsinnaajuarnissaat, oqarasuaatikkut nakorsamik oqaluussiniarnermi piffissamik allannguinermi qulakkeerniarneqarpoq, nakorsamik oqaloqateqarsinnaaneq minutsini 15-ni sivikillineqarluni.
- Aasap ingerlanerani oqarasuaatikkut nakorsamik oqaluussinissamut pitsaanerusumik Nuummi innuttaasut peqqissaavimmit periarfissinneqarput. Nal. 8 - 15- imiit 9.00 - ip tungaanut sianertut tamarmik nakorsamik oqaluussaqartarput. Utaqqisut amerlasaqaat utaqqisullu suli tamakkerneqanngitsut piffissaq killiliussaq qaangerneqartarluni. Pitsannguutaasut tassaapput ataasiaannarluni sianertariaqartarneq utaqqinerullu akeqannginnera, Peqqissaavik nassuiaavoq.
Allannguinermut pissutaasoq
Nakorsamik oqaloqateqarniarlutik sianertut utaqqilussinnartassanngillat. Utaqqisut tamarmik kiffartuunneqassapput. Piffissaq sianerfissaq minutsinik 15-inik sivikillineqassaaq.
Ataasinngorneq septembarip arfineq pingajuaniit nalunaaqutaq 8.15-ip 8.45-illu akornanni sianertoqarsinnaalissaaq.
- Nakorsat pisariaqartitsineq naapertorlugu nakorsiartitsinissanik neqerorsinnaajuarnissaat, oqarasuaatikkut nakorsamik oqaluussiniarnermi piffissamik allannguinermi qulakkeerniarneqarpoq. Innuttaasut peqqissutsimikkut ajornartorsiuteqarlutik sianertut, oqarasuaatikkut oqaloqatigineqarnerup saniatigut takkullutik nakorsiarnissaq pisariaqartikkaat, aasaanerani misilittakkat takutippaat, Nunap immikkoortuani peqqinnissaqarfimmi nakorsat pisortaat Jesper Olesen aamma Nunap immikkoortuani peqqinnissaqarfimmi peqqissaasut pisortaat Lene Skriver tusagassiutinut nalunaaruteqarput.