Skip to main content

Nuummi mittarfiup tallineqarnissaa Sermersuumit sulissutigineqarpoq

Kommuneqarfik Sermersuumi kommunalbestyrelsimi ilaasortaasut Nuummi mittarfiup tallineqarnissaa sulissutigaa. Mittarfik aamma kommunimit ingerlatarineqalerusuppoq

Nuummi mittarfik oqallisigineqqilerpoq. 

Mittarfiup tallilerneqarnissaa Islandermiunit neriuutigineqarnera Kommuneqarfik Sermersuumi borgmesterimit Inuit Ataqatigiinneersumit Asii Chemnitz Narupimit nuannaarutigineqarpoq.

Sermersuumi Inuussutissarsiornermut Siunnersuisoqatigiinni pisortaq, Ulla Lynge, peqatigalugu ulluni makkunani Islandimi ataatsimeeqateqaqattaarput, paasisaqarluarnissaq anguniarlugu.

Islandimi timmisartuutileqatigiiffiit Air Iceland aamma Iceland Air ilaatigut ataatsimeeqatigineqarput. Air Iceland Reykjavikimit Nuummut angallassisarpoq, timmisartuutileqatigiiffimmillu oqaatigineqarpoq Nuummi mittarfik tallineqartariaqartoq, tassuuna periarfissat amerlanerusut ammarneqarsinnaassammata.

Angalanissamut akikinnerusunik periarfissat
Pisortaq Arni Gunnarsson isumaqarpoq, Nuummi mittarfiup tallineqarnissaa mittarfinnut aningaasaliinerit pitsaanersarissagaat, Kalaallit Nunaanni pingaarnerpaatinneqartariaqartoq, ilaatigut Nuummiit amerlanerusunik, Nuummiillu Nunarsuup sinneranut akikinnerusumik timmisartuussisarnissamik periarfissaqalernissaa eqqarsaatigalugu.

- Kommunalbestyrelsimi Nuup mittarfiata ingerlatarilernissaa kissaatigaarput, tallillugulu. Nuannerpoq allat aamma periarfissat uagut takusinnaasavut takusinnaammatigit, Asii Chemnitz Narup oqarpoq.

Ulluni tulliuttuni borgmesterip Islandimi takornarialerisut inuussutissarsiortullu naapissavai, suleqatigiiffigineqarsinnaasunillu ujartuiffigalugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER