Nuummi mittarfiup kusananngitsortassaa ilanngunneqassanngilaq
Napparussuit 80 meterit angullugit portussusillit mikkiartornermi qullernik atortullit Nuummi mittarfimmut suliniummut ilaajunnaarput.
Nuummi mittarfissap immikkoortumi ataatsimi Kalaallit Airportsip kusassarnissaa iluatsissimavaa, tamannalu kommunimit aamma innuttaasunit piumasaqaataanikuuvoq.
Napparussuit qaavanni mikkiartornermi atortunik qullitallit suliniummut ilaajunnaarput, ASN-imik tusarniaanermit siullermit ullumikkumut allannguuteqalaarluni.
- Napparutit Qinngorpumut aqqutip kujataatungaaniittut peerutsigit, piffissamik eqquisinnaanermut taasarialimmik sunniuteqarnavianngitsut paasinarsivoq, Kalaallit Airportsimi suliniummut pisortaq, Jesper Nordskilde, Sermitsiaq.AG-mut oqarpoq.
Illoqarfimmit takuneqarsinnaasoq
ASN-imut nalunaarutit marloriarluni tusarniaatigineqartuni, mittarfik ajornerpaamik isikkussaanut periarfissat takusassiarineqarput. Innuttaasut nuannaarutigisaannik napparutit maanna peerneqassapput. Nuup kangiata tungaanit illoqarfimmit taakku takuneqarsinnaasussaagaluarput.
- Avannaatungaanit mikkiartornermi qulliit peerneqassanngillat. Kujataatungaa mikkiartornermi atoraangatsigu silagikkajuttarpoq, taamaattumik napparutinut qullernullu aningaasarpassuarnik sipaaruteqarpugut, isumannaallisaanermut sunniuteqanngitsumik, Jesper Nordskilde oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...