Skip to main content

Nuummi mittarfiup kusananngitsortassaa ilaatiinnarneqassaaq

Nuummi mittarfiup kusananngitsortassaaa ilaatiinnarneqarniarpoq, Kalaallit Airportsip siorna illoqarfimmi innuttaasunut neriorsuutigigaluarpaa taanna peerneqassasoq.

Siorna martsip qaammataata 13-ani Sermitsiaq.AG-p ilisimatitsissutigaa, qaqqap Qinngutta aqquserngata kujataata tungaaniittup qaavani napparussuit 80 miiterit angullugit portussusillit mikkiartornermi qullernik atortullit Nuummi mittarfimmut suliniummut ilaajunnaartut.

- Napparutit Qinngutsinnut aqqutip kujataatungaaniittut peerutsigit, piffissamik eqquisinnaanermut taasarialimmik sunniuteqarnavianngitsut paasinarsivoq, Kalaallit Airportsimi suliniummut pisortaq Jesper Nordskilde, ukiup ataatsimp matuma siorna Sermitsiaq.AG-mut oqarpoq.

Pineqartorli pillugu apeqqarissaarnermi paasinarsivoq, mittarfinnik ingerlatseqatigiiffiup isummani allanngortissimagaa.

Ilumoorpa napparussuarnik qullernik mikkiartornermi atorneqartartunik atortulinnik timmisartoqarfiup kujataata tungaani inissiinissamut peqquneqarsimasusi?

- Timmisartoqarfiup kujataata tungaani napparussuarnik qullernik mikkiartornermi atorneqartartunik atortulinnik atortoqarnissaq pilersaarutaajuannarsimavoq, pisortaaneq Peter A. Wistoft Sermitsiaq.AG-mut akissuteqarluni oqarpoq.

- Pilersaarusornermimi pisortaq Jesper Nordskilde ukiup ataatsip matuma siorna allatut oqarpoq?

- Aap, ilumoorpoq Angallannermut Sanaartornemullu Aqutsisoqarfiup napparussuit peeqqusimanngikkai, Peter A. Wistoft oqaatigisimasaminik erseqqissaaniarluni aaqqissuisoqarfimmut saaffiginneqqissimasoq oqarpoq.

- Napparutinik mikkiartornermi atorneqartartunik qullitalinnik ikussiniarnertinnut pissutaanerpaavoq, taamaaliornitsigut anorimut sunnertikkuminassuseq 6 procentimik pitsanngorsaaffiginiaratsigu, Peter A. Wistoft Sermitsiaq.AG-mut erseqqissaavoq.

Taassuma oqaatigaa, napparuteqassanersoq napparuteqassannginnersorluunniit apeqqutaanngitsoq Angallannermut Sanaartornermullu Aqutsisoqarfiup isumannaallisaanermut tunngatillugu piumasaqaataanik malinninniaraanni.

Mittarfinnik ingerlatseqatigiiffik siorna videoliortitsisimavoq, tassa takutinniarlugu sanaartornerup illoqarfimmut qanoq sunniuteqarnissaa aamma sanaartukkap qanoq isikkoqarnissaa. Videomi Quassussuup kangerluani qaqqap qaani napparussuit ilaanngillat, timmisartoqarfissap nutaap avatangiisinut kusassaataasumik.

Videomit assit uani takukkit:

I denne video fremgår det ikke, at halvøen, der rager ud i Malenebugten skal udstyres med syv 80 meter høje master med indflyvningslys i toppen
Kalaallit Airports
Utoqqaat Illuanni sulisut: Utoqqaat angerlarsimaffigivaatigut
Utoqqaat Illuanni sulisut akisussaassuseqartut ingerlaannaq naapitassaapput . ”Najugaqartut ulloq unnuarlu ikiorneqarnissaminnik pisariaqartitsipput, najuunnissarput taamaattumik...
Meeqqerivimmi Ungaami aqutsisoq: Qanoq iliorsinnaanerlutit imminut aperigit
Elisabeth Sikemsen isumaqarpoq, kikkut tamarmik imminnut aperisariaqartut, coronamik nalaataqarnermi aniguniarnermi inuiaqatigiinnut qanoq iliuuseqarsinnaanerlutik. Nammineq taamaaliorpoq Meeqqerivik...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER