Skip to main content

Nuummi mittarfik tallineqarpat navianarpallaassaaq

Nuummi mittarfik tallineqarpat tamanna illussanik titartaasartoq Peter Barfoed naapertorlugu silaannaap aalaruserneranik navianartumik taamaatitsiinnartarnernillu kinguneqassaaq. Taanna illoqarfiit pingaarnersaata isaariaani mittarfimmik nutaarluinnarmik sanasoqarnissaanik siunnersuuteqarpoq

Kommuneqarfik Sermersuup aamma Namminersorlutik Oqartussat Nuummi mittarfimmik pioreersumik talliliinissamik eqqarsaatit tamaasa taamaatittariaqarpaat, taarsiullugu illoqarfiup kitaani qeqertami Angisunnguami nutaamik mittarfiliorlutik. 

Taama Tegnestuen Nuummi illussanik titartaasartoq Peter Barfoed, kommunimi pilersaarummut ilassummut, mittarfiup allilerneqarnissaanik ajornarunnaarsitsisussamut, akerliliissuteqartoq oqarpoq. Kommunimi pilersaarummut ilassut aasap ingerlanerani tusarniaassutigineqarpoq. 

Atuaruk: Koruuni ataaserluunniit Ilulissani, Nuummi Qaqortumi mittar ssanut immikkoortinneqarsimanngitsoq

Mittarfik navianartoq
- Nuummi mittarfik 1799 me
terinut imaluunniit maannakkutut 2200 meterinut tallineqarpat ajornartorsiutit nalinginnaasussat tassaapput ICAO-p (nunat tamalaat akornanni inuinnarnik timmisartuussinermut kattuffik, aaqq.) piumasaqataanut innersuussutaanullu atatillugu immikkut akuersissuteqarnissarpassuit. Mittarfik navianartoq pilersaarusiorneqalerpoq, illussanik titartaasartoq akerliliissuteqarnermini ilaatigut allappoq. 

Taassuma mittarfiup Quassussuup killerpiaaniinnera, silaannaap aalaruserneranik malitseqartartussaq, kiisalu illoqarfimmit quasakkajunnerusumi qutsinnerusumiinnera immikkut tikkuarpai.

Atuaruk: Aningaasaliisut tapiinerisigut mittarfiit nutaat akilerneqassapput

Tusaamanerlugaq
Salliarnami inissisimaffeqarnerata
kinguneranik isuini marluusuni 300 meterinik takissusilinnik isumannaallisaaviliornissaq isuinilu marluusuni 720 meterinik takissusilinnik qulliliornissaq ajornakusuussapput. Illussanik titartaasartoq naapertorlugu taakkua marluk Norgemi USA-milu inatsisitigut piumasaqaataapput. 

- Pissutsit taakkua marluk Nuummi mittarfiup tallineqarsimasup timmisartuutileqatigiiffinnut assigiinngitsunut timmisartuussivigissallugu qanoq soqutiginaateqartiginissaanut pingaaruteqassapput. Mittarfillu tusaamanerlugaalissaaq, takornariat tikeraallu allat ingalassimaassutigiligaannik, Peter Barfoed naliliivoq. 

Atuaruk: Siulittaasoq: Mittarfiit tallineqarnissaat imaassinnaavoq innersuussutiginngikkipput

Allaaserisaq AG-mi uani sapaatip-akunnerani saqqummertumi atuaruk, uani aamma pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER