Nuummi mittarfik alloriarneruvoq pingaarutilik
Nuummi mittarfimmut nutaamut ASN-imut nassuiaat Namminersorlutik Oqartussat ataasinngornermi akueraat.
Nuummi mittarfissaq pillugu ASN-ip akuerineqarneratigut sanaartugassanik suliarinnittartunut ingerlatseqatigiiffinnut piukkussanut suliarinnittussarsiuussinermi atortut nassiunnissaanut Kalaallit Airports piareerpoq.
- Ullut arlaqanngitsut qaangiuppata suliarinnittussarsiuussinermut atortut nassiunneqassapput, Johannus Egholm Hansen, Kalaallit Airportsip siulersuisuini siulittaasoq, Sermitsiaq.AG-mut oqarpoq.
Piumasaqaatit nutaat
Mittarfiliortiternissamut ingerlatseqatigiiffik Nuummi mittarfiliornissamut piumasaqaatinik saqqummiiffigineqarsimasoq, taanna ilisimatitsivoq. Piumasaqaatit nutaat suliniut 15 aamma 20 millionit koruunit missaannik akisunerulersissavaat.
- Nunap qaavani imeq aamma imerpalasut sikunik piiaatit avatangiisinut tulluarnerusumik suliarisarnissaannut tunnganeruvoq, siulersuisunut siulittaasoq ilisimatitsivoq.
Kemikaliat Qinngorpumi kangerliumanermut aamma Nuup Kangerluanut kuuttarnissaat ernumassutigineqarneruvoq, maannakkullu qularnaannerusumik aamma avatangiisinut tulluarnerusumik tassani aaqqiissuteqartoqassaaq.
Nipiliornermut piumasaqaatit allanngortinneqanngitsut
Nipiliorluni akornusersuinermut aamma ullup ingerlanerani qaqugukkut qaartiterisoqartarsinnaaneranik piumasaqaatit sukannernerunissaannik ingerlatseqatigiiffik suliakkiissutigineqanngillat. ASN-imik nassuiaammi innuttaasut mittarfimmut qanittumi najugaqartut taanna ernumassutiginerugaluarpaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...