Nuummi tunillatsissimasut ikiligaluttuinnarneri pissutigalugit misissuisarfimmi suliaqartarneq annikillilerneqarpoq. Tamanna isumaqarpoq misissuisarfiup ammasarfii martsimi ikinnerulersut. Tunillatsissimasullu ikiligaluttuinnarneri pissutigalugit misissuisarfik illoqarfiup qeqqaniittoq 31. marts naggammik ammassaaq.

- Nuummi tuniluunnerit ikiliartornerat peqqutigalugu, Nuummi misissuivik Corona Hotlinelu nutaanik ammasarfittaarput, nunatta nakorsaaneqarfia allappoq.

- Pilersaarutit malillugit Nuummi misissuivik martsip 31-ata tungaanut ammassaaq, taassumalu kingorna misissuisarneq Dronningip Ingridip peqqissaaviani ingerlanneqartalissaaq.

Martsimi ammasarfiit allanngortinneqarmata, misissuisarfik ataasinngornermi, pingasunngornermi aamma tallimanngornermi nal. 8.00-15.00 taamaallaat ammasalerpoq.

• PCR-imik misissortinniartut nal. 8.00-11.00
• Antigentestinik aallerniartut nal. 08.00-15.00

Nakkutiginninneq ingerlaannassaaq

Nunatta nakorsaanera Henrik L. Hansen nassuiaavoq PCR-imik misissortinnissamik pisariaqartitsisut ikiligaluttuinnartut, nunatsinni tunillatsissimasut suli ikiliartormata.

- Taamaammat nukiit atorsinnaasagut tassungaannaq atussagutsigit isumatusaarnerunngilaq, misissortinnissamut pisariaqartitsisut ikiligaluttuinnartillugit, oqarpoq nangillunilu:

- Coronamik tunillatsittoqartarallartillugu, tamassumalu aamma kingorna, suli misissuiuartassaagut. PCR-imik misissuineq neqeroorutaajuassaaq, soqutigingatsigu nunatsinni tunillatsittoqarsimanersoq paasissallugu, aamma soqutigigatsigu tuniluunnerup taamaalluni annertuneqqorileratarsinnaanera paasissallugu, oqarpoq.

Nunatta nakorsaanera oqaluttuarpoq nunap sinnerani PCR-imik misissortinniartut peqqinnissaqarfimmut saaffiginnittartut. Nuummilu peqqinnissaqarfimmut saaffiginnilluni misissortittalernissaq 1. april aallartinneqassaaq.

Nutaarsiassat

Siunissami Nuup Saavata isikkussaa pillugu aaqqissuussaq alakkarluarneqartoq

Sapaammi maajip ulluisa 21-anni Nuummi innuttaasunut tamanut Nuup Saavata siunissami qanoq atorneqarnissaa pillugu workshoppertitsisoqarluni paasisitsiniaasoqarpoq aamma...

7.klassit Nuummi eqqakkanik katersillutillu immikkoortiteripput

Maajip ulluisa 23-anni 2023-mi Nuummi atuarfinni arfiniliusuni 7.klassit sullisitik ativaat, Saligaatsoq 2023 ingerlanneqarnissaanut ”kissassiillutik” ikiutaallutik Nuummi eqqakkanik...