Skip to main content

Nuummi misissuisarfik ammasarfinnik sivitsuivoq

Ulluni kingullerni tunillatsissimasut paasineqartut illoqarfiup iluani angalasarsimaneri pillugit innuttaasut arlallit Nuummi misissortittussanngormata misissuivik artukkerneqarpoq. Ammasarfiit sivitsuiffigineqarput, misissuisussallu amerlineqarlutik.

Nuummi innuttaasut hunnorujulikkaat ippassaq coronavirusimut misissortikkiartoraluaramik misissorneqaratillu angerlaannarput. Misissuivik akunnerni pingasuni ammatinneqaraluartoq taamaattoq misissuisinnaasut qaangerlugit misissortikkiartortut takkussimapput.

Corona pillugu sulisoqatigiit Sermitsiaq.AG-mut ilisimatitsipput ataasinngornermi misissortittut 400-t missaanniittut, misissortikkiartoraluartullu arlallit angerlartiinnarneqartariaqarsimasut misissuisarfik matungajalermat.

- Misissuisarfik ullumi nalunaaqutaq 20.00 tungaanut ammatinneqassasoq maanna sulissutigaarput. Sulisussanik maanna ujaasivugut, taamatullu innuttaasut misissortikkiartortut paasissutissaanik katersisussanik aamma sulisunik ilasilluta, Rasmus Christiansen, corona pillugu suleqatigiinni attaveqatigiinnermik suliaqartoq ilisimatitsivoq.

Tunuleriaattorpassuit

Nuummi misissortittarfiup silataaniit ataasinngornermili tunuleriaattut amerlalluinnarput.

Kassaaluk Kristiansen

Marlunngornermi nalunaaqutaq 11.15, tassa misissuisarfiup innuttaasunut piffissamik inniminniinani misissortikkiartortunik misissuinissaanut akunneq ataasiinnanngulersorlu, tunuleriaattoqalereersimavoq. Sillimaniarneq pillugu nakkutilliisoqarpoq, tunuleriaattut ippassartut qanippallaannginnissaat pillugu.

Akiuussuserneqanngitsut qaagitsi

Nuummi sapaatip akunnerata siulianili aqunneqanngitsumik tunillaassuuttoqalermalli, innuttaasut akiuussutissamik kapitissimanngitsut misissortinnissaat corona pillugu suleqatigiit soqutigilluinnarpaat.

- Inuit akiuussuserneqarsimanngitsut covid-19-imullu ersiutillik, taamaattumillu tunillatsinnissamut ilimanaateqarnerusut misissuinermi siulliunneqassapput, corona pillugu suleqatigiit nittartakkaminni allapput.

Inuit aappassaanik akiuussutissalertereersimasut aamma inuit tunillatsissimanermut ersiuteqanngitsut misissortinnissartik sapaatip akunnerata naaneranut kinguartissangaat aamma kaammattuutigineqarpoq, pisariaqartitsinerit siulliullutik misissortinniassammata.

LÆS OGSÅ: Nuummi aqunneqarsinnaanngitsumik tuniluuttoqalersoq

Misissuisartuni paasissutissanik katersisartut ataasimik ilaneqassapput. Taamatullu misissuisartut amerlanerulernissaat pillugu sulisussanik ujartuisoqarluni. Misissuinerup ammanerani misissuisartut maanna sisamaapput.

Piffissamik inniminneeqqaarani misissortinniaraanni Misissuiviup ammasarfii maanna ima isikkoqarput:

  • Marlunngorneq juulip 20-ani:  12.30 – 20.00
  • Pingasunngorneq juulip 21-ani:   12.30 – 15.00
  • Sisamanngorneq juulip 22-ani:   12.30 – 15.00 
  • Tallimanngorneq juulip 23-ani:   12.30 – 15.00 
  • Arfininngorneq juulip 24-ani:    12.30 – 15.00

Corona pillugu suleqatigiit ilisimatitsipput misissuisussat amerlineqassappata aamma ammasarfiit sivitsorneqarsinnaasut.

Nuummi Nunat Avannarliit Kulturisioqatigiinnissaannut billitsisigit!

2021-mi Nuummi Nunat Avannarliit Kulturisioqatigiinnissaat maanna pisinnaanngorpoq, ilaatigut Àsgeir, Pukuut, Odin Teatret, Iben Mondrup, Jeanette Ehlers allarpassuillu takuneqarsinnaapput...

Pilersaarutaasumik ikuallaavimmik matusineq

Nalunngiliuk ikuallaavik matuneqartartoq ukiumut pingasoriarluni?

Taamaaluiortarpugut ikuallaavik ukiup sinneranut ingerlanissaanut qularnaarniarlugu, taamaaligaangallu...

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER