Nuummi misissortittarfik nutaaq marlunngorpat ammassaaq
Angalasimasut misissortittarfissaat nutaaq marlunngorpat ammassaaq. Københavnimit Nuummut ullumimiit angalasut tamarmik, timmisartorsuarmut ikiartunnginnerminni ilisimatinneqartalissapput qaqugu misissortikkiartussanerlutik.
Købenahavnimiit Nuummut angalasut ullumi tallimanngornermiit Nuummut tikinnerminnit ullut tallimassaani qaqugukkut misissortissanerlutik, Københavnip timmisartoqarfissuani paasisalissavaat.
Nunanit allanit Nuummut tikittunut misissortittarfissaq marlunngornermi oktoberip 13-ani ammarneqartussanngorpoq.
Namminersorlutik Oqartussat tusagassiorfinnut taama nalunaaruteqarput.
Københavnimiit Nuummut angalasunut misissorneqartarnerup aaqqissuussaanerulernera Namminersorlutik Oqartussat, peqqinnissaqarfiup Air Greenlandillu suleqatigiissutigaat.
Misissortittarfik nutaaq ammarpat tamanna isumaqarpoq:
Illoqarfiup qeqqani misissortittarfimmi ullut tallimassaanni misissortinnissamut inniminniisarneq aallannginnermi pisassaaq angalasumullu inniminniinermi piffissaq tunniunneqartoq Københavnimi angalasumut nalunaarutigineqartassalluni.
Angalasut inuillu COVID-19-imik ersiutillit DIH-mi suli misissortittassapput. Peqqinnissaqarfiup oqarasuaataanut attaveqarnikkut piffissamik inniminniisoqartassaaq uunga sianerluni 344400.
Misissortittarfik piffissani inniminnerneqarsimasuni ammasassaaq
Misissortittarfik piffissani inniminnerneqarsimasuni taamaallaat ammasassaaq. Sulisut atorluarneqarnissaasa utaqqisunillu tulleriiaartunik pilersitsinnginnissaq anguniarlugu, taamatullu tunillaassuunnerup siaruarnissaanut aarlerinaatit sapinngisamik annikinnerpaaniitinnissaat qulakkeerniarneqarput.
Misissortittarfik illoqarfiup qeqqaniissaaq, "Kalaaliaraq"-kumi.
- Taamaallaat nakorsiat misissortinnissamut piffissamik tunineqarsimasut misissortittarfimmut orniguteqqusaapput. Qanigisaasut silataani utaqqissapput. Ukiukitsut misissortinnerminni qanigisaminnik ataatsimik ilagisaqarsinnaapput, ilisimatitsissutigineqarpoq.
Innuttaasut COVID-19-imik ersiuteqartut peqqinnissaqarfimmut saaffiginnittarnissaat kaammattuutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...