Nuummi meeqqat pensionisiallillu juullimut siusissukut tunissutisisut

Nuummi pensionisiallit meeqqallut 16-it inorlugit ukiullit ukiortaamiit bussinut ilaaniartillutik akiliisarunnaassapput, taakkununngami bussinut ilaaneq akeerutissagami.

2022-mi maajimiit akigititat:

• Inersimasumut bilitsi kr. 21,- (aqqaneq-marlunnik ukiulinniit)

• Pensionisialimmut bilitsi kr. 21,-

• Meeqqamut bilitsi kr. 9,- (sisamaniik aqqanilinnik ukiullit ilanngullugit)

• Klippekorti, pensionisialimmut kr. 142,- (10 klip)

• Klippekorti, meeqqamut kr. 59,- (10 klip)

• Qaammammut korti, inersimasoq kr. 578,- (ulluni 30-ni atuuttartoq)

• Qaammammut korti, meeqqamut kr. 276,- (ulluni 30-ni atuuttartoq)

• Qaammammut korti, pensionisialimmut kr. 276,- (ulluni 30-ni atuuttartoq)
Malugiuk: pensionisiallit qaammammut kortii kisimik akikillisaaffigineqarsinnaapput.

Kommunalbestyrelsip aappaagumut missingersuutinik akuersissuteqarneratigut, innuttaasuni meeqqat pensionisiallillu akeqannngitsumik bussersinnaalernissaannik pilersaarut piviusunngortinneqarsimavoq.

- Angallanneq ilaqutariipparsuarnut meerartalinnut pensionisialinnullu akisuujuvoq. Ullumikkut qaammammut ilaassutissanik pisisimasut, aningaasanik namminneq atugassaminnik amerlanerusunik atugassaqalissapput, taavalu billettinik pisisut, maannakkut akulikinnerusumik bussinut ilaasalissapput. Tamanna politikkikkut angusaavoq uannut nuannerluinnartoq”, Kommuneqarfik Sermersuumi borgmesteri Avaaraq Olsen oqarpoq.

Ni aamma 21 koruunit akornanni sipaaruteqartassasut

Meeqqat 12-16-inik ukiullit ukiortaap tungaanut bussinut ilaaniarunik inersimasutut akiliuteqartassapput, sinissamilili pensionisialittulli ilaanerit tamaasa 21 koruuninik akiliuteqartarunnaassallutik, meeqqallu marluk aqqanillillu akornanni ukiullit bilitsimut ni koruuninik sipaaruteqartalissallutik.

Kommunalbestyrelsimit meeqqat pensionisiliallillu akeqanngitsumik bussertalernissaannut ukiumut 6 millioner koruuninik immikkoortitsisoqartassaaq.

Innuttaasutut qanoq akeqanngitsumik bussertoqartassanersoq decembarip qaammataata ingerlanerani nalunaarutigineqassaaq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...