Nuummi meeqqat angerlarsimaffiat tunissuteqarfigineqartoq

Nuummi meeqqat angerlarsimaffiat Sikkerneq Nuumi Starkimit aningaasarpassuarnik tunineqarsimavoq.

Nuummu ulloq unnuarlu paaqqinnittarfik imminut pigisoq Sikkerneq Starkimit tunissuteqarfigineqarnerminut qujamassuttupilussuuvoq, nalunaarutigalugulu tunissutit 125.000 koruuniusut Nuup Kangerluani illuaraliornissamut atorneqassasut.

- Illuaraq meeqqat aasaanerani atuanngiffimminni eqqissisimaarfigisassavaat, aamma meeqqat illuanni meeqqat najugaqartut katsorsarneqarlutillu perorsarneqarnerannut atorneqartassaaq, meeqqat illuanni Sikkernermi forstanderi Lotte Østergaard Hastrup oqarpoq.

CSR Greenland

Stark Kalaallit Nunaanni A/S, CSR Greenlandimi (Corporate Social responsibility) ilaasortatut 125.000 koruuninik Meeqqat Illuannut Sikkernermut tunissuteqartuuvoq.

CSR-imi siunertarineqarpoq, CSR-ip Kalaallit Nunaanni suliniutinik siusarsaasarnissaa, tassa suliffeqarfiit inuiaqatigiinni isumaginninnermik avatangiisitigullu suliaqatarnerannut aamma Kalaallit Nunaanni suliffeqarfiit suliaqarfimmut atatillugu piginnaasaannik nukittorsaanissaannut atatillugu tamanna ingerlanneqartarpoq.

Ilaatigut najukkani suliniutit ilaattut suleqatigiittoqartarpoq, tassa Stark CSR Greenlandimilu ilaasortat allat najukkami suliniuteqarlutik Kalaallit Nunaanni inuiaqatigiinni attanneqarsinnaasumik ineriartortitseqataasarput.