Nuummi, nunattalu kitaata kujataani illoqarfinni silap ulluni kingullerni issinneroriarluni kissapiloornera silap pissusaanik immikkuullarilluinnartumik pissuteqarpoq.

Anori kissartoq, nunasarneq, tassaavoq anori nunami qutsinnerusumiit sisoortuusilluni anori, taamaaligaangallu anori kissarnerusarpoq. Anori taama ittoq Nuummi aqqusaarmat martsimi aatsaat taama kiatsigisumik uuttuisoqarpoq.

Anorersuaqqammersimaniariartoq, Nuummi sila 15,2 gradit tikillugit kissappoq.

Martsimi aatsaat taama kiatsigitillugu uuttuisoqartoq, DMI nittartakkamini allappoq. 

Upernaaq aqqusaapallattoq

Silap kissapiloornerani aput aalertorpoq. Martsillu aallartilaarnerani silap taama kiatsiginera takornartaavoq, DMI allappoq.

- Qaammatip martsip aallartilaarnerani Nuummi sila taama kiatsigisarnera akuttuvoq. Anori nunasarneq taama kiatsigititsilertarpoq. Taannarpiarlu pissutaalluni martsimi aatsaat taama kiatsigisoq uuttuisoqarpoq. Nuummi martsip ullui siulliit nalinginnaasumit isseqannginnerusimapput nunasarnerneranilu anorip taama ittup kissassuseq 10 gradenik ilaannarmagu kissapiloortoq takuarput, DMI nittartakkamini allappoq.

DMI allappoq nunatta kitaata kujataani kiannerunera naqitinerup minnerusup aqqusaarneranik patsiseqartoq.

DMI-p silamik ilimasaarutaa naapertorlugu ullut tulliini issileriartoqqilissaaq.

Nutaarsiassat

Nunat Avannarliit Nuummi kulturisioqatigiinnerat aatsaat taama ornigarneqartigaaq

Nunat Avannarliit Nuummi kulturisioqatigiinnerat tallimassaaneerluni sapaatip akunnerani kingullermi ingerlanneqartoq orniguttuni akiliillutik isertut 1200-t aaqqissuussanilu...

Meeqqat Ulluanni 1/6-23-mi kommunimi aaqqissuussarpassuit pisussat ilaat

Ulloq juunip ulluisa aallaqqaataanni kommune tamakkerlugu meeqqat ulluat nalliussineqassaaq. Kommune tamakkerlugu meeqqat nuannersorpassuarnik assigiinngitsorpassuarnillu...