Skip to main content

Nuummi Lights on lights off-imik saqqummersitsinermit assilisat

Bolatta Silis Høeghip qalipagai nersualaarneqartorujussuit alutornartullu Nuuk Kunstmusemimi maannakkorpiaq takuneqarsinaapput. Saqqummersitsineq sisamanngornermi juulip 16-iani ammarneqarpoq

"Lights on lights off" Kastrupimi Bryggergårdenimi Kongelejlighedenimi ammarneqamat Danmarkimi Kalaallit Nunaannilu tusagassiuutinit eqqartorneqartorujussuullunilu nersualaarneqartorujussuuvoq.

Saqqummersitsineq siulleq pillugu matumani (qallunaatut) atuarit.

Bolatta Silis Høeghip qalipagai unneqqarilluinnartuupput imminullu assililluni qalipakkanik pinngortitamillu qalipakkanik imaqarlutik ataatsikkullu mianernassutsimik kamassaqassutsimillu, nukissaqassutsimik soriarsinnaanngissutsimillu ersersitsillutik.

Bolatta qalipakkani pillugit oqaluttuarpoq, Naalakkersuisut uranimut akuersaanngilluinnarneq atorunnaarsimmassuk timikkut anniarneq misigisimagini. Misigisaq tamanna kamannermut anniarnermullu ammaassisuuvoq, innarliisarnerillu allat aamma saqqummerlutik - arnanut nakuuserneq, pinngortitamut nakuuserneq inuttullu meeraanermit eqqaamasat.

Innarliinerit isumatsinni ilorlikkut avissaartuunnermik inuiaqatigiinnilu najukkatsinni avissaartuunnernik pilersitsisartut. Misigissutsillu tamanut saqqummiutissallugit allanillu avitseqatigiissutigissallugit ajornakusoortut, ersersinniarnissaat kanngunartutut misigineqarajuttarmat.

Bolatta Silis Høeghip kamannera pillugu matumani annertunerusumik atuarit.

- Qalipakkat tuaviinnaq qalipanneqarput, nukissaq angisoorujussuaq anisinneqartariaqarmat, Bolatta oqaluttuarpoq, tassanngaannarlu qalipaasarfiga qalipakkanik ulikkaarpoq. Taakkualu saqqummersitanut tunuliaqutaalerput.

Saqqummersitat politikkikkut ersersitsiniarneruinnanngillat. Qalipakkat isiginnaartutut isumatsinnik itisuumik killiipput, nammineq anniaatigisatsinnut uagut aamma isiginnaartunngoratta.

Bolatta Silis Høeghip qalipagaani inuttut kulturimik itisuumik ersersitseriaaseq politikkimik ersersitsinermut ilannguppoq, tamannalu inuttut tamatta kamassaqassutsitsinnut anniaateqarnitsinnullu naaperiaanissamut nassuerutiginninnissamullu isaavinngorpoq. Saqqummersitsineq inuttut inoqatinullu atatillugu paasisaqarnerulersitsisoq.

Saqqummersitat Nuuk Kunstmuseumimut takuniarsinnaavatit aggustip 12-ata 2015-ip tungaanut.

Saqqummersitat pillugit annerusumik maani atuarit.

Bolatta Silis Høeghip saqqummersitat Kalaallit Nunaanni saqqummersinneqarnerannik nuannaarutiginninnera matumani aamma atuarsinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER