Maanna Nuummi kiassaateqarfeqarnikkut ineriartorneq sukkasuupilussuuvoq, taamaalilluni illoqarfiit pingaarnersaanni ikuallaaviup nutaap ukiup ataatsip missaata qaangiunnerani tunisassiulernissaanut piareersimalluni.

Aviisi Sermitsiaq taama allappoq.

- Nuussuarmi Materialegårdenip eqqaani ikuallaavitoqqap saniani sanaartugaq annertooq nutaaq suliarineqaleruttorpoq. Naatsorsuutigaarput 2024-p aallartinnerani ingerlanneqalissasoq, kommunit ataatsimoorlutik eqqagassalerinermut ingerlatseqatigiiffiani Esanimi pisortaq Frank Rasmussen oqarpoq.

- Ikuallaavissami nutaami kiaap sinneruttup ajunnginnerpaamik atornissaa siunertaralugu pilersaarutaavoq Nuummi kisassaateqarfiit imminut atasunngortinnissaat. Maannakkorpiaq tamanna sulissutigineqarpoq – ukiunilu arlalinni taamaassimalluni, Nuummi Nukissiorfimmi ingerlatsinermut pisortaq Nuummi kiassaateqarfinnut akisussaasimasoq Filip Sivertsen oqarpoq.

Sisamaniit ataatsimut

- Ullumikkut Nukissiorfiit Nuummi kiassaateqarfiit sisamat ingerlappaat. Ataqatigiiaarlutik illoqarfiit immikkoortui sisamat atuuffigaat, Nuuk, Nuussuaq, Kangillinnguit Qinngorpullu. Anginerit marluk Nuuk Nuussuarlu imminnut atassusersorneqaleruttorput Sangoriamit Industrivejikkut Sarfaanguit innaallagissiorfianut, Filip Sivertsen Sermitsiamut nassuiaavoq.

Aviisimi Sermitsiami atuarnerusinnaavutit. Aviisi uani pissarsiariuk:

Nutaarsiassat

Kommuneqarfik Sermersuup Tusassillu Tasiilap atuarfiani internetersinnaaneq pitsaanerulersippaat

Tusassip Kommuneqarfik Sermersuullu suleqatigiillutik Tasiilami atuarfiup attaveqarfianik Attammik atuisinnaaneq pitsaanerulersippaat. Attavimmik 20 mbit-imiit 100 mbit-imut qaffaaneq...

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....

Sermitsiaq - 23/12-2022

Klik her for at læse