Nuummi Kapisilinnilu oqarasuaatit attaveeruttut
Nuummi nunaqarfimmilu Kapisilinni oqarasuaatit attaveerupput. Telepost ilisimatitsivoq iluarsiiniarluni sulisoqartoq.
Illoqarfiit pingaarnersaanni nunaqarfimmilu Kapisilinni oqarasuaatit attaveqanngillat.
Suliffeqarfiit atuisullu ataasiakkaat oqarasuaatillit eqqorneqartut, Telepost nittartakkamini ilisimatitsivoq.
Kalaallit Nunaata Politiivi siusinnerusukkut ilisimatitsipput oqarasuaatit attaveqanngitsut. Innuttaasut politiinut attaveqarnissamik pisariaqartitsisut mobilimut 56 01 12-imut sianersinnaapput.
Kommuneqarfik Sermersooq facebookimini ilisimatitsivoq oqarasuaatit attaveqanngitsut.
Telepost nittartakkamini ilisimatitsivoq attaveeruttoorneq aaqqinniarlugu sulisoqartoq.
-Suliffeqarfiit sunnigaasut inuiaqatigiinni pisariaqavissortumik pingaarutilimmik atuuffillit, suliffiit sullitallu oqaloqatigaavut. Ajoqutaasoq misissorparput, paasisaqarneruguttalu tamanna www.telepost.gl.imi quppernikkut "Ingerlatsinermi paasissutissat"-ni ilisimatitsissutigissavarput, Tele-Postimi teknikkeqarnermut pisortaq Jonas Hasselriis oqarpoq.
Nakorsamut sianerit
Dronning Ingridip Peqqissaavik Facebookimini allappoq pinartoqartillugu oqarasuaat 344112 attaveeruttarsinnaasoq.
Innuttaasut pinartoqartillugu peqqinnissaqarfimmut attaveqarusuttut, Nuummi peqqissaavimmut sianissagunik mobilnormu 22 51 94 sianerfigisinnaagaat ilisimatitsissutigineqarpoq.
Nuummi peqqinnisaqarfimmi oqarasuaatit akornuteqarput. Ajornartuuinnermi: Ambulance-nut oqarasuaat 344 112...
Slået op af Dronning Ingrids Sundhedscenter i Fredag den 19. februar 2021