Skip to main content

Nuummi Kalaallit Airports innuttaasunut qaaqqusivoq

Nuummi innuttaasut mittarfissuassap sanaartorneqarnera sumut killinnersoq sapaatiuppat septembarip 19-ani takusarsinnaavaat. Maannamut qaarsunik 3,2 millioner kubikmeterinik qaartitsisoqareersimasoq, KAIR paasissutissiivoq.

Mittarfissuassap sanaartorneqarnera sumut killinnersoq isumaliutersuutigisarpiuk? Sapaatiuppat nalunaaqutaq 13.00-imiit 16.00-ip tungaanut sanaartorfik takunissaanut periarfissaqarputit.

LÆS OGSÅ: KAIR immikkut 900 mio. koruuninik taarsigassarsiniartoq

Qaarsuit mittarfissamut sanaartukkanullu allanut inissaqalersitsisussat qaartiternerinut maannanut assartuinerit 194.000-it anguneqareersimasut, suliffeqarfik paasissutissiivoq. 

- Nuummi sanilivut innuttaasullu naammagittarsinnaasussaasut ilisimavarput. Kisianni sapinngisamik akornusiinerit annikinnerpaamiitinniarlugit sulinitta aaqqissuunnissaanut annertuumik ilungersuuteqartarpugut. Taamaattumik suliaqarnermi tamanna iluatsinnersoq misissorniarlugu sumiiffimmi qanitaaniittumi nipiliornerit sajukulaartitsinerillu tulleriissaartumik periaaseqarluta uuttortartarpagut, KAIR-imi pisortaaneq Jens Lauridsen oqarpoq. 

Ukiup aallartinnerani Kalaallit Airports International A/S Nuummi Ilulissanilu mittarfiliornissamut naammattunik aningaasassaqarniarluni 900 millioner koruuninik taarsigassarsisariaqalertoq erserpoq. Sanaartornerup naatsorsuutigisamiit akisunerulersimammat. 

Innuttaasunut matoqqasoq

Nuummi Ilulissanilu mittarfissuit ammarneqarnissaat kinguartinneqarnikuupput. Nuummi mittarfissuassaq 2021-mi atuutsilertussanngorpoq Ilulissanilu mittarfissuassap 2024-p ukiaanerani ammarneqartussanngorluni. 

- Kalaallit Nunaanni inuussutissarsiornermik takornariartitsisarnermillu ineriartortitsinerup sulissutigineqarneranni – aammalu Kalaallit Nunaata ullutsinnut naleqquttumik ineriartortinneqarnerata tapersernissaanut - nunanit tamalaanit mittarfiit qitiusumik ilaalluinnarput. 2024-mi mittarfiit nutaat saqqummiussinnaanissaat qilanaarisorujussuuarput, Jens Lauridsen oqarpoq.

Nuummi ulluinnarni mittarfissualiorfik innuttaasunut isumannaallisaaneq eqqarsaatigalugu matoqqatinneqartarpoq. Mittarfissuup 2024-mi ammarneqarnissaa suliffeqarfiup naatsorsuutigaa Nunatsinnilu siullerpaamik imarpik qulaallugu timmisartup siulliup minnissaa naatsorsuutigineqarpoq. 

Nuuk Nordisk Kulturfestivalernerani meeqqat 13-it inorlugit ukiullit akeqanngitsumik isersinnaatitaapput

Nuuk Nordisk Kulturfestival oktobarip 28-anni aallartinneqarpat, ulluni sisamani tusarnaartitsinerit, isiginnaartitsinerit saqqummersitsinerillu ingerlanneqassapput, taakkunanilu meeqqanut...

Ilungersuussilluartumik innersuussigit

Najukkanni ilungersuussilluartumik suliaminillu aallussiinnarnissamut aningaasartalimmik akissarsilaartussamik nersualaarneqartussamillu piukkussaqarpit?

...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER