Nuummi ippassaq tigusarinninneq ulapiffiusoq
Angut arnap inissiaanut isersimavoq, tassanilu assersuisimalluni. Qujanartumik ajoqusertoqanngilaq.
Nuummi politiit ippassaq unnukkut arnamit nalunaarfigineqarput, angut iniminut isersimasoq. Kalaallit Nunaanni politiit tusagassiuutinut nalunaarutaanni tamanna atuarneqarsinnaavoq
Angut arnap najugaani assersuisimavoq, inissiarlu qimakkusussimanagu.
Angut imminut toqunnissaminik sioorasaarilermat pisoq sakkortunerulerpoq. Tamatumunngalu atatillugu angut savimmik sioorasaarivoq.
- Isumannaallisaanermut tunngatillugu, tassanilu angutip imminut ajoqusinnginnissaa qulakkeerniarlugu, kiisalu pisup sakkortunerulinnginnissaa anguniarlugu, Nuummi politiit navianartunut orniguttartunik anguti tigusariniarlugu inissiamukartitsipput, politiit taama allapput.
Angutip isumaqatiginiarneqarnerata kingorna imminut tunniuppoq.
Taanna maanna napparsimmavimmi passunneqarluni unitsinneqarpoq.
Inunnik ajoqusertoqanngilaq.
Pisoq eqqartuussivitsigut kinguneqartinneqassanersoq maanna nalilersuisoqassaaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...