Politikki
Nuummi Inuit Ataqatigiit nutaamik siulittaasortaassapput
Vivi Vold Nuummi Inuit Ataqatigiit siulittaasuattut tunuarniarluni aalajangersimavoq. Taamaammat unnugu sisamanngornermi immikkut ittumik ataatsimeersuartoqassaaq.
Annonse
Vivi Voldip tunuarnini NAPA-mi pisortap tulliatut suliffittaarnini peqqutigalugu siulittaasutut tunuarnerminut peqqutaanerarpaa:
- NAPA-mi pisortap tulliattut atorfittaarnera taavalu aningaasaateqarfiunitta peqqutigalugu siulittaasutut tunuartariarqartutut misigisimavunga.
- Inuttut naleqartitatut qitiutikkakku tamakku immikkoortinneqassasut - qaffasissumik atorfeqarneq taavalu politikkikkullu inissisimaneq siulittaasutut, Vivi Vold tusagassiuutinut nalunaarummi ilisimatitsivoq.
Nuuummi Inuit Ataqatigiit immikkut ittumik nalunaaqutaq 19.00 Ukaliusap nerisarfiani ataatsimeersuarniarpoq.