Nuummi Inuit Ataqatigiit nutaamik siulersuisortaarput
Leif Saandvig Immanuelsen IA-p Nuummi immikkoortortaqarfiani siulittaasunngorpoq.
IA-p Nuummi immikkoortortaqarfia nutaamik siulersuisortaartoq immikkoortortaqarfik tusagassiutinut nalunaarummi allappoq.
- Siulersuisuulersut nutaat eqqumiitsuliornerup silarsuaanit, inuiaqatigiilerinermik, kommunalpolitikkikkut kiisalu peqatigiiffilerinerinermik ilisimasaqarlutillu misilittagaqartuupput. Siulersuisut nutaat qinersinerit tulliuttunut piareersaanerit nangissavaat sanitigullu suliassat assigiinngitsut ingerlassallugit soorlu: peqatigiiffiup saqquminerulernissaa anguniarneqassaaq, politikkikkullu oqallittarnerit aaliangiinerillu sioqqullugit Nuummi innuttaasut peqataatinneqartarnissaanik imaqartoq suliniutigineqassaaq, nalunaarutigineqarpoq.
Immikkoortortaqarfimmi Leif Saandvig Immanuelsen siulittaasunngorpoq.
- Tamakku piviusunngortikkumallugit piffissami aggersumi inuit ulluinnarni inuunerannut sunniuteqartunik politikkikkullu oqallisigisariaqartunik (realpolitik) qulequtalinnik oqallinnerit pissanganartut NIAmiit aaqqissorneqartalissapput, tassanilu innuttaasut qinikkallu peqataatinneqartassapput.
- Nuuk illoqarfiuvoq nuannersoq ineriartuinnaavissoq, ineriartortitsinerli innuttaasunit aallaaveqarnissaa qulakkeerneqarnissaa NIAp suleqataaffigigerusuppaa tassanilu toqqissisimaneq, kultoori ataqatigiinnerlu pingaartinneqassapput.
Nuuk najorumiartooreersoq najoruminarninngortinnissaanut anguniassavarput, Nuummi innuttaasut piginnaanerit akimorlugit suleqatigiinnerulernissaat suliarissavarput ingammik eqqumiitsuliortartut eqqarsaatigalugit, Nuummi IA allappoq.
Siulersuisunngortut:
Siulittaasoq: Leif Saandvig Immanuelsen
Siulittaasup tullia: Uju Petersen
Siulersuisuni ilaasortat: Aviaaja Berthelsen, Avaaraq Olsen, Jakobine Motzfeldt aamma Lily Mikaelsen.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...