Nuummi innuttaasut tamarmik akiuussutissamik neqeroorfigineqarput
Sapaatip-akunnerini marlunni tulliuttuni Nuummi innuttaasut 9.500-nit amerlanerusut coronavirusimut akiuussutissamik neqeroorfigineqassapput. Uani sapaatip-akunnerani neqeroorfigineqartut siulliit tassaapput 18-20-nik ukiullik kiisalu 49-nik ukiullit ukioqqortunerillu.
Nuummi innuttaasut inuusuttut 18-it 20-llu akornanni ukiullit aamma innuttaasut 49-nik ukiullit ukioqqortunerusullu coronavirusimut akiuussutissamik Modernamik ullumikkut neqeroorfigineqarput.
Sapaatip-akunnerini marlunni tulliuttuni Nuummi innuttaasut 9.500-nit amerlanerusut akiuussutissamik neqeroorfigineqassapput. Inuusuttullu siulliullutik neqeroorfigineqarnerat pissutissaqarluartoq, nakorsaaneq Henrik L. Hansen nassuiaavoq.
- Naak inuusuttut napparsimalerpallaarneq ajoraluarlutik, annertuumik coronavirusimik tuniluutsitsisarput. Tamanna Danmarkimi allanilu takuneqarpoq. Annerusumik tuniluuteratartoqarsinnaanera pinngitsoortinniarlugu inuusuttut akiuussutissamik neqeroorfigalugit aallartippugut, Henrik L. Hansen Sermitsiaq.AG-mut oqarpoq.
Angalasut akiuussuserneqarsinnaapput
Nunarput maannakkorpiaq sapaatip-akunnera allortarlugu akiuussutissanik Modernanik 7.000-t missaanniittunik Danmarkimit pissarsisarpoq. Sapaatip-akunnerini marlunni tulliuttuni ukioqatigiiaat tamarmik akiuussutissamik neqeroorfiginissaannut akiuussutissat naammattut, nakorsaanerup neriorsuutigaa.
Tamatuma peqatigisaanik innuttaasut Nuummiit aallartussat, taamaattumillu akiuussutissamik kapitinnissaminnut takkussinnaanngitsut ullumikkut nalunaaqutaq 17.00 kingorna Ukaliusap eqaarsaartarfianukarnissaannik oqartussat kaammattuutigaat.
- Innuttaasut illoqarfimmiit aallartussat, ullormilu kapitiffissaminni illoqarfimminniittussaanngitsut maanna akiuussutissamik kapitinnissaat kaammattuutigaarput. Amerlanerpaat akiuussuserneqarnissaat qulakkeerniarlugu taamaaliorpugut, taanna oqarpoq.
Qaqugukkut akiuussutissamik neqeroorfigineqarnerlutit corona.nun.gl-imi takusinnaavat.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...