Nuummi innuttaasut 700-t akiuussutissalerneqarsimasut
Inuttaasut 700-t missaanniittut sapaatip akunnerani kingullermi nualluummut akiuussutissalerneqarlutillu Covid-19-imut pingajussaanik akiuussutissalerneqarsimapput. Nuummi akiuussutissalersuinermut neqeroorut maanna ingerlateqqinneqalerpoq.
Sisamanngornermi novembarip sisamaani Nuummi Ukaliuasap Atuarfiani (USK) akiuussutissalersuinermi innuttaasut 700-nik amerlanerusut nualluummut akiuussutissalersorlutik Covid-19-imullu pingajussaanik akiuussutissalersorlugit ulapputtoqareersoq, Dronning Ingridip Peqqissaaviani utoqqaat inuillu ataavartumik nappaatillit nualluummut akiuussutissalerneqarnissamut neqeroorfigineqarput.
Tamanna pissaaq Dronning Ingridip Peqqissaaviani arfiningornermi novembarip 13-ani aamma sapaammi novembarip 14-ani nal. 9.00-15.00.
Nualluummut akiuussutissalerneqarnissamut neqeroorut innuttaasunut 65-ileereersimasunut kiisalu innuttaasunut immikkut ulorinartorsiorsinnaasunik nappaatilinnut atuuppoq.
Nappaatit immikkut ulorianartorsiortitsisinnaasut pineqartut tassaapput:
- Ataavartumik pualluut
- Ataavartumik uummatikkut nappaat
- Diabetes 1 imaluunniit 2
- Inunnguutigalugu timikkut nammineq akiuussutissaqannginneqannginneq kingusinnerusukkulluuunniit akiuussutissaarussimaneq
- Nukillulersimaneq pissutigalugu anertikkartarneq
- Tingutsigut tartutigullu ajoquteqarneq
- Oqimaappallaarneq (BMI>40)
- 2. imaluunniit 3. trimesterimi naartusut
Covid-19-imut pingajussaanik akiuussutissalerneqarnissamut neqeroorut nutaaq decembarip qulingiluaani USK-imi nal. 08.30-17.00 aallartinneqassasoq, peqqinnissaqarfimmit ilisimatitsissutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...