Nuummi inissiat akii qaffakkiartortuarsinnarput
Nuummi inissianik tuniniaasut ingerlalluarput. Inissianik pisineq tunisinerlu ingerlarsorpoq. Namminerisamik inissiat illullu akii 2018-imiit 2019-imut 10 procent sinnerlugu qaffassimapput. Naallu coronaqaraluartoq suli taamaaginnarpoq.
Nuummi 2018-imiit 2019-imut akit qafffannerat coronaqaraluartoq ataannartussatut isikkoqarpoq.
Aviisi Sermitsiaq taama allappoq.
Grønlandsbankenip naatsorsuinerata takutippaa kvadratmeterimut akit 2018-imiit 2019-imut 10 procent sinnerlugu qaffassimasut, saniatigut inissiat atasiakkaat niuerutigineranni akit allanngulaaginnarsimallutik.
– Kvadratmeterimut akit piviusut 10 procent sinnerlugu qaffassimapput. Ilaatigut peqqutaavoq inissiat nutaat amerlanerit niuerutigineqarsimanerat, inissiallu mikinerullutik, Grønlandsbankenimi inuinnaat kiffartuunneranni pisortaq Jesper Malling Sørensen oqarpoq.
- Tamatumunnga suna peqqutaava?
– Ilaatigut sanaartorluartoqarnera, sanaartornermi akit, nuuttarnerit piumaneqarnerallu peqqutaapput. Inissiat nutaat akii qaffasinneruppata taava amerlanerit inissianik mikinernik inissianit anginernit pisoqaanernillu kvadratmeteriumut qaffasinnerusunik akeqartunit piumassapput. Tamatuma saniatigut ilinniarsimasunut tamanut atorfeqaannarnissap patajaannerussuatigut inissianik pisisunut nalorninerup annikinnerunera, pisortaq oqarpoq.
Aviisimi Sermitsiami atuarnerusinnaavutit:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
