Nuummi inissiaqarfik ikuallattoq: Politiit upalungaarsimasullu tassaniipput
Sisamanngornermi ullaap tungaani Nuummi Nuussuarmi inissiaqarfimmi naluttarfiup Maliup eqqaani ikuallattoqarpoq. Qatserisartut tassani suli suliaqarput.
Politiit, upalungaarsimasut qatserisartullu amerlasuut Manguaraq 35-imiipput, tassani nalunaaqutaq 10.10 politiit pigaartoqarfiannut ikuallattoqarneranik kalerrisaarisoqarpoq. Pigaartut pisortaat Jørgen Madsen, Sermitsiaq.AG-mut taama oqaluttuarpoq.
Ikuallattoq qanoq ikuallalersimanersoq imaluunniit qanoq annertutiginersoq, pigaartut pisortaata suli oqaluttuarisinnaanngilaa.
- Suli ikuallattoq kingullermik nalunaarutigineqarpoq, ikuallattorli aqunneqarluni qaminniarneqarpoq, pigaartut pisortaat oqarpoq.
Sermitsiaq.AG-p paasissutissaatai naapertorlugit angut inissiaqarfimmit anninneqarsimavoq, ambulancemillu ingerlanneqarpoq, pigaartulli pisortaata tamanna uppernarsarsinnaanngilaa. Sumiiffimmi inunnik ajoqusersimasunik suli nalunaaruteqartoqarsimanngitsoq, taanna ilisimatitsivoq.
- Inuit inissiani sanilerisaaniittut qulermiullu sulinitsinni inissiamit anissasut qinnuigineqarnikuupput, Jørgen Madsen oqaluttuarpoq.
Inuit sumiiffimmiittut qanilleqquneqanngillat, upalungaarsimasullu eqqissillutik sulitinneqarnissaannik qinnuigineqarput. Pigaartut pisortaat ikuallattoq pillugu allanik suli paasissutissaateqanngilaq.
- Suliami qanoq pisoqarsimanersoq suli paasiniarparput, taanna oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...