Nuummi inissaaleqinersuaq ilinniartunik eqquivoq
Ukioq manna ilinniakkaminnik aallartitsinissaminnut atatillugu Facebookikkut inissarsiortut amerlasoorpassuusimapput. Dorthe M. Andersen napparsimalluni ilinniakkaminik unitsitsigallarnermi kingorna kollegiami inissiamik peqqissinnaasimanngilaq. Inatsisilerituulli akulerunneratigut utaqqisut allattorsimaffiannut ilanngunneqarsimavoq
Dorthe M. Andersen Uummannameersoq napparsimanini pissutigalugu Nuummi universitetimi Oqaasilerinermik, Atuakkialerinermik Tusagassiuutilerinermillu ilinniagaqarnerminik ukioq ataaseq unitsitsigallareersimalluni ilinniakkami nanginnissaanut piareerpoq.
- Assigiinnarpaa atuaatigalunga imminut nukittorsaruma, Uummanami taamaaliornittulli, taanna nassuiaavoq.
Dorthe M. Andersenip napparsimanini pissutigalugu ilinniarnini siorna unitsikkallarpaa, sivisuumilli atuarfik qimassimarusunngilaa, taamaattumik aalajangerpoq ilinniarnini ukioq manna nanginniarlugu. Napparsimanini pissutigalugu unittariaqalerami ilinniagaqarnini ukiut marluk ingerlaterersimavaa. Naammassinissaminut ukioq ataaseq amigaatigaa.
Ukiulli marluk inorlugit Nuup avataaniissimagami kollegiami ineqarnissaanik itigartinneqarpoq. Qulakkeersimagaluarlugu uteqqikkusuleruni qinnuteqaqqissinnaalluni. Tamatumani paatsoortoqarsimavoq.
Allaaserineqartoq aviisimi AG-mi tamakkiisumik atuaruk. Aviisi uani pisiariuk: