Nuummi imigassartorsimallutik biilertut unitsinneqarsimasut
Politiit illoqarfiit pingaarnersaanni angallattunik nakkutilliinerminnut atatillugu imigassartorsimallutik biilertut marluk tigusarisimavaat.
Kalaallit Nunaanni Politiit ullormi kingullermi Nuummi imigassartorsimallutik biilertut marluk unitsissimavaat, pigaartut pisortaat Preben Kleist ilisimatitsivoq.
Siulleq sisamanngormat ualikkut tallimat missaanni Nuussuarmi unitsinneqarsimavoq. Biilimik aquttoq aaversinniarlugu tigusarineqarsimavoq, kingusinnerusukkullu iperangaaqqissimalluni.
Sisamanngornerup tallimanngornerullu akornanni unnuakkut tigusaqaqqissimapput, tassani Nuup illoqarfiata qeqqani biilimik ingerlatsisoq nalunaaquttap pingasut eqqaanni unitsinneqarsimalluni.
Pigaartut pisortaat naapertorlugu, aquttoq aamma aalakoorsimavoq tigusarineqarlunilu.
Imigassartorsimallutik biilertut marluk saniatigut Nuummi tallimanngornerup ullaassaani inuinnaat angerlarsimaffianni tillinniartoqarsimavoq, pigaartut pisortaat oqaluttuarpoq.
Aamma angerlarsimaffinni aqqusinernilu eqqissiviilliortoqarlunilu Nanortalimmi serlersaarisoqarsimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...