Nuummi imeq triazolimik akoqanngilaq
Nuummi imeq februaarimi misissorneqarmat Naalakkersuisunut ernumatitsilersimasoq mingoqanngitsoq kiisami nalunaarutigineqarsinnaalersimavoq.
Nuummi imeq februaarip 23-ani misissuiffigineqarmat paasinarsisimavoq, imeq 1,2,4-triazolip sinneranik akoqartoq.
Akua annikitsunnguummat peqqissutsimut ulorianartorsiortitsinngikkaluartoq, avatangiisinut naalakkersuisoq Kalistat LUnd ernummateqarluni oqaaseqarsimavoq.
Misissugassatut tiguneqarsimasut Danmarkimi laboratooriamut misissugassanngorlugit nassiunneqarsimasut kinguaattoorfiusimapput, akitsuuserisuni uninngasimagamik. Maannali akissutaat tikissimasut imerlu ajunngitsutut isikkoqartoq, naalakkersuisunit nalunaarutigineqarpoq.
- Nuummi imermit misissugassatut tiguneqarsimasut 1,2,4-triazolimik akoqanersut misissoqqissaarneqarsimanerisa akissutaat maanna tikissimapput. Imermi misissorneqartumi triazolimik akoqarttoqanngitsoq paasineqarsimavoq, marlunngornermi tusagassiorfiit aqqutigalugit nalunaarummi taamatut allassimasoqarpoq.
Danmarkimi laboratoriani assigiinngitsuni marlunni misissoqqissaarneqarsinnaanissaannut imermit misissugassat ataatsimoortut marloqiusat tiguneqarput. Maannakkut laboratorianit marluusunit inerneri tigusimalerpagut aammalu inerneri tamarmik ajunngitsutut isikkoqarput. Laboratoriat imermit misissugassat nutaat taakkua 1,2,4-triazol-imik nassaarfiginngilaat.
Nuummi imermit misissugassani 1,2,4-Triazol-inik nassaartoqartoq Naalakkersuisoqarfiup februaarimi nalunaarfigineqariataarnerani, laboratoriami kukkusoqarsimasoq ilimagineqarpoq.
-Piffissami aggersumi imermit misissugassanik amerlanerusunik tigusisassamaarpugut aammalu Nuummi erngup imerneqarsinnaasup pitsaassusaa nakkutigeqqissaarniarlugu. Kisianni imeq imerneqarsinnaasoq ajunngitsoq misissueqqissaarnerit takutimmassuk annertuumik nuannaarutissaavoq. Taamaattoq aamma tupannerput ilinniarfigaarput, aammalu paasititsiniaaneq, tamatta immikkut qanoq tatsit imeqarfiit paarilluarnissaannut peqataasinnaanersugut eqqaasitsisussaq, piaartumik aallartinniarparput, taama oqarpoq Naalakkersuisoqarfimmi pisortaaneq Mette Skarregaard Pedersen.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...